News March 23, 2025
పెంచికల్పేట్: గ్రామాల అభివృద్ధే కాంగ్రెస్ లక్ష్యం: MLC
మారుమూల గ్రామాల అభివృద్ధి కాంగ్రెస్ లక్ష్యమని MLC దండే విఠల్ పేర్కొన్నారు. పెంచికల్పేట్ మండల కేంద్రంలో నూతన సీసీ రోడ్లకు ఆదివారం ఎమ్మెల్సీ దండే విఠల్ భూమిపూజ చేశారు. ఆయన మాట్లాడుతూ.. మండల కేంద్రంలో రూ.45 లక్షలతో సీసీ రోడ్లు, ఎస్సీ కమ్యూనిటీ హాల్, దారుగపల్లి, చేడువాయి గ్రామాలకు రూ.10 లక్షల చొప్పున మంజూరయ్యాయని తెలిపారు. కార్యక్రమంలో కాంగ్రెస్ నాయకులు, గ్రామస్థులు పాల్గొన్నారు.
Similar News
News November 30, 2025
రేపు అనకాపల్లి కలెక్టరేట్‌లో ప్రజా సమస్యల పరిష్కార వేదిక
అనకాపల్లి కలెక్టరేట్‌లో సోమవారం ప్రజా ఫిర్యాదుల పరిష్కార వేదిక ద్వారా ప్రజల నుంచి అర్జీలను స్వీకరిస్తామని కలెక్టర్ విజయకృష్ణన్ తెలిపారు. కలెక్టరేట్‌తో పాటు అన్ని మండల, డీవిజన్ కార్యాలయాల్లో కూడా ఫిర్యాదులు చేయవచ్చు అన్నారు. కార్యాలయాలకు రాలేనివారు మీ కోసం వెబ్ సైట్‌లో కూడా నమోదు చేయవచ్చని పేర్కొన్నారు. ఫిర్యాదుల పరిష్కార స్థితిని 1100 టోల్ ఫ్రీ నంబర్‌కు ఫోన్ చేసి తెలుసుకోవచ్చునన్నారు.
News November 30, 2025
తెలుసుకుందాం!
★ కర్నూలు అసలు పేరు ‘కందనవోలు’
★ కర్నూలులో ప్రవహించే నది: తుంగభద్ర
★ తుంగ నది జన్మస్థలం: కర్ణాటక రాష్ట్రం చిక్కమగళూరు జిల్లాలోని వరాహ పర్వతం
★ కేసీ కెనాల్ ఫుల్ ఫారం: కర్నూలు కడప కాలువ
★ కర్నూలు చివరి నవాబు: గులాం రసూల్ ఖాన్ బహదూర్
★ కర్నూలు జిల్లా విస్తీర్ణం: 17,658 చదరపు కిలోమీటర్లు
★ జిల్లాలో ప్రధాన వంటకాలు: ఉలవచారు, ఉగ్గాని బజ్జీ, రాయలసీమ కారం దోసె, రాగిముద్ద, నాటుకోడి చికెన్
News November 30, 2025
అత్యధికం మల్లాపూర్.. అత్యల్పం మేడిపల్లి
జగిత్యాల జిల్లాలో మొదటి విడత నామినేషన్లలో మల్లాపూర్ మండలంలో అత్యధికంగా సర్పంచ్, వార్డు మెంబర్ స్థానాలకు నామినేషన్లు వేయగా.. అత్యల్పంగా మేడిపల్లి మండలంలో వేశారు. మల్లాపూర్ మండలంలో 180 మంది సర్పంచ్ కు నామినేషన్లు వేయగా 474 మంది వార్డ్ మెంబర్ స్థానాలకు నామినేషన్లు వేశారు. మేడిపల్లి మండలంలో సర్పంచ్ కు 82 మంది నామినేషన్లు వేయగా.. వార్డు మెంబర్ కు 266 మంది నామినేషన్లు వేశారు.