News February 5, 2025
పెద్దగట్టు జాతరపై అధికారులతో కలెక్టర్ సమీక్ష

చివ్వెంల మండలం దురాజ్పల్లిలోని పెద్దగట్టు జాతరపై అధికారులతో బుధవారం జిల్లా కలెక్టర్ తేజస్ నందలాల్ పవార్ సమీక్ష నిర్వహించారు. ఈ సందర్భంగా జాతరకు అన్ని ఏర్పాట్లు పూర్తి చేయాలని, భక్తులకు ఎలాంటి అసౌకర్యాలు కలగకుండా చూసుకోవాలని, జాతరకు వచ్చే భక్తులకు మంచినీటి వసతి, వైద్య సేవలు అందించాలని అధికారులకు సూచించారు. వారి వెంట పెద్దగట్టు ఛైర్మన్ నర్సయ్య, అదనపు కలెక్టర్, ఆర్డీవో, డీఎస్పీ రవి ఉన్నారు.
Similar News
News February 15, 2025
దడ పుట్టిస్తున్న ‘జీబీఎస్’

గులియన్ బారే సిండ్రోమ్ ఉమ్మడి గోదావరి జిల్లాలను తాకింది. ఇప్పటివరకు కాకినాడ GGHలో 16 కేసులు, రాజమండ్రి GGHలో ఓ కేసు నమోదైంది. ప.గోకు చెందిన వ్యక్తి ప్రస్తుతం కాకినాడలో చికిత్స పొందుతున్నారు. అయితే భయపడాల్సిన అవసరం లేదని వైద్యులు చెబుతున్నారు. కాళ్లు, చేతులు తిమ్మిర్లు, కండరాల నొప్పులు ఉంటే వెంటనే డాక్టర్లను సంప్రదించాలంటున్నారు. వ్యాధి ముదిరిన దశలో అవయవాలు చచ్చుబడే ప్రమాదం ఉందని హెచ్చరిస్తున్నారు.
News February 15, 2025
వరంగల్: గురుకుల విద్యార్థులకు అస్వస్థత

తెలియక ఓ చెట్టు పండ్లను తిన్న గురుకుల విద్యార్థులు అస్వస్థతకు గురై ఎంజీఎం ఆస్పత్రిలో చికిత్స పొందుతున్నారు.HNK జిల్లా హసన్పర్తి జ్యోతిరావు ఫూలే బీసీ గురుకుల పాఠశాలలో శుక్రవారం పలువురు విద్యార్థులు ఇదే గురుకులంలోని ఒక చెట్టు పండ్లను తిన్నారు. దీంతో ఆరుగురు విద్యార్థులు వాంతులు, కడుపునొప్పితో అస్వస్థతకు గురయ్యారు. వారిని ఆసుపత్రిలో చేర్పించారు. విద్యార్థుల ఆరోగ్యం నిలకడగానే ఉందని వైద్యులు తెలిపారు.
News February 15, 2025
మేడ్చల్: పిల్లలకు కంటి పరీక్షలు.. DON’T MISS

మేడ్చల్ జిల్లాలో ఫిబ్రవరి 17 నుంచి మార్చి 15 వరకు 21 రోజుల పని దినాల్లో విద్యార్థులకు కంటి పరీక్షలు నిర్వహిస్తామని DMHO ఉమా గౌరీ తెలిపారు. జిల్లాలోని అన్ని స్కూళ్ల నుంచి రోజుకు 150 నుంచి 200 మంది చొప్పున వైద్య సిబ్బంది వెంట తీసుకుని వెళ్లి మల్కాజిగిరిలోని ఏరియా ఆసుపత్రిలో కంటి పరీక్షలు చేపించి, తిరిగి పిల్లలను స్కూల్లో దింపుతారు.కొద్ది రోజులకు కంటి లోపం ప్రకారం అద్దాలు అందిస్తారు.