News January 4, 2025
పెద్దపల్లి: ఆస్పత్రిలో యువకుడి మృతి.. బంధువుల ఆందోళన
కమాన్‌పూర్ మండలం పేరపల్లికి చెందిన ఆకుల శ్రావణ్(26) గురువారం జ్వరంతో బాధపడుతూ పెద్దపల్లిలోని ఓ ప్రైవేట్ ఆస్పత్రికి వచ్చాడు. డాక్టర్ పరీక్షలు చేసి ప్లేట్‌లెట్స్ తక్కువగా ఉన్నాయంటూ జాయిన్ చేసుకున్నాడు. అర్ధరాత్రి దాటిన తర్వాత శ్రావణ్ మృతి చెందాడు. డాక్టర్ నిర్లక్ష్యం వల్లే చనిపోయాడని కుటుంబసభ్యులు, గ్రామస్థులు ఆస్పత్రి ఎదుట ఆందోళనకు దిగారు. కుటుంబసభ్యులతో డాక్టర్ చర్చలు జరపడంతో ఆందోళన విరమించారు.
Similar News
News November 29, 2025
KNR: ఎన్నికలు.. జిల్లాలో జోరుగా బైండోవర్లు
కరీంనగర్ జిల్లాలో గ్రామపంచాయతీ ఎన్నికల సందర్భంగా 58 మందిని పోలీసులు బైండోవర్ చేశారు. కరీంనగర్ పరిధిలో 28 మందిని బైండోవర్ చేయగా, వీణవంక మండల పోలీస్ స్టేషన్ పరిధిలో 30 మందిని బైండోవర్ చేశారు. గత ఎన్నికలలో నేరాలకు పాల్పడిన పాత నేరస్థులను గుర్తిస్తూ ఎలాంటి అవాంఛనీయ సంఘటనలు జరగకుండా ముందస్తుగా పోలీసులు బైండోవర్ ప్రక్రియను అమలు చేస్తున్నారు.
News November 29, 2025
కరీంనగర్: మాజీ కార్పొరేటర్ భార్య ఆత్మహత్య
KNR నగరంలో ఓ మాజీ కార్పొరేటర్ భార్య ఆరోగ్య సమస్యలతో ఎలుకల మందు తాగి ఆత్మహత్య చేసుకొని చికిత్స పొందుతూ మృతిచెందినట్లు 3 టౌన్ CI జాన్ రెడ్డి తెలిపారు. కిసాన్ నగర్‌కు చెందిన మాజీ కార్పొరేటర్ కుర్ర తిరుపతి భార్య తిరుమల(40) కొంతకాలంగా ఆరోగ్య సమస్యలతో బాధపడుతున్నారు. ఆసుపత్రులు చుట్టూ తిరిగితిరిగి నయం కాకపోవడంతో విసిగిపోయారు. బుధవారం పురుగుల మందు తాగగా ఆసుపత్రిలో చికిత్స పొందుతూ నిన్న ప్రాణాలు వదిలారు.
News November 28, 2025
KNR: వ్యాసెక్టమీ శస్త్ర చికిత్సల క్యాంపును సందర్శించిన డీఎంహెచ్ఓ
జిల్లా ప్రభుత్వ జనరల్ ఆసుపత్రిలో జరుగుతున్న కుటుంబ నియంత్రణ వ్యాసెక్టమీ శస్త్ర చికిత్సల క్యాంపును డీఎంహెచ్ఓ డాక్టర్ వెంకటరమణ, కుటుంబ నియంత్రణ ప్రోగ్రాం ఆఫీసర్ డా.సనా జవేరియాతో కలిసి సందర్శించారు. ఈ సందర్భంగా వ్యాసెక్టమీ శస్త్ర చికిత్సలు చేసుకోబోతున్న, చేసుకున్న అర్హులైన దంపతులను కలిసి మాట్లాడారు. కరీంనగర్ ఆస్పత్రిలో 7, జమ్మికుంట సీహెచ్సీలో 6, మొత్తం 13 మందికి వ్యాసెక్టమీ చికిత్సలు జరిగాయన్నారు.