News March 13, 2025
పెద్దపల్లి: గ్రూప్-1లో సత్తా చాటిన స్నేహ
పెద్దపల్లి జిల్లా పెగడపల్లి బతికపల్లి గ్రామానికి చెందిన స్నేహ గ్రూప్-1 ఫలితాల్లో సత్తా చాటింది. మంగళవారం ప్రకటించిన ఫలితాల్లో 517 మార్కులు సాధించింది. కాగా, స్నేహ ఇన్‌కమ్‌ట్యాక్స్ డిపార్ట్‌మెంట్‌లో ఉద్యోగం చేస్తూ ఎలాంటి కోచింగ్ తీసుకోకుండా 517 మార్కులతో 485వ ర్యాంకు సాధించింది. దీంతో కుటుంబ సభ్యులు, గ్రామస్థులు అభినందించారు.
Similar News
News October 16, 2025
అనకాపల్లిలో ఎవరికి వారే యమునా తీరే!
అనకాపల్లిలో ముగ్గురు కీలక నాయకులు ఎవరికి వారే అన్నట్లు వ్యవహరిస్తున్నారనే చర్చ సాగుతోంది. జనసేన MLA కొణతాల పార్టీ, ప్రభుత్వ కార్యక్రమాలు చురుకుగా చేపడుతూ ముందుకెళ్తున్నారు. ఇటు TDP ఇంఛార్జ్ పీలా గోవింద్ సైతం తన వర్గంతో యాక్టివ్‌గా ఉన్నారని ప్రచారం. మరోవైపు TDPలో దాడి వీరభధ్రరావు ఒక వర్గాన్ని నడిపిస్తున్నట్లు టాక్. ఒకే సామాజిక వర్గానికి చెందిన వీరంతా తలో దారిలో సాగుతుండటంతో క్యాడర్ అయోమయంలో ఉంది.
News October 16, 2025
విశాఖలో ఎక్కడ చూసినా పాలిథిన్ కవర్లే.. నిషేధం ఎక్కడా?
GVMC పరిధిలో పాలిథిన్ వినియోగం ఆగడం లేదు. ప్రభుత్వం సింగిల్ యూజ్ ప్లాస్టిక్‌పై నిషేధం విధించినా.. అమలు మాత్రం జరగడం లేదు. మార్కెట్లు, కిరాణా షాపులు, కూరగాయల సంతలు ఇలా ఎక్కడ చూసినా పాలిథిన్ కవర్లు సులభంగా దొరుకుతున్నాయి. GVMC అధికారుల నిర్లక్ష్యం కారణంగా నిషేధం కేవలం ప్రకటనలకే అంకితమైందని పలువురు విమర్శిస్తున్నారు. కాలుష్యం పెరిగి, డ్రైనేజీ వ్యవస్థలు మూసుకుపోతున్నా చర్యలు లేవని మండిపడుతున్నారు.
News October 16, 2025
క్యాన్సర్ రోగులకు ప్రత్యేక వైద్య సేవలు: కలెక్టర్
రాజమహేంద్రవరం జీజీహెచ్‌‌లోని ఆంకాలజీ విభాగంలో క్యాన్సర్ రోగులకు ప్రత్యేక వైద్య సేవలు అందుబాటులో ఉన్నాయని కలెక్టర్ కీర్తి చేకూరి ప్రకటించారు. గురువారం ఆసుపత్రిలో ఆమె వైద్య సేవలపై సమీక్షా సమావేశం నిర్వహించారు. ఆసుపత్రిలో అందిస్తున్న సేవలు, మౌలిక వసతులు, వైద్య పరికరాల స్థితి, సిబ్బంది భర్తీ, నిర్మాణ పనుల పురోగతి, పరిశుభ్రత వంటి అంశాలపై అధికారులతో కలెక్టర్ సమగ్రంగా చర్చించారు.