News March 17, 2025
పెద్దపల్లి జిల్లాలో భగ్గుమంటున్న భానుడు
వేసవి నేపథ్యంలో పెద్దపల్లి జిల్లాలో ఎండల తీవ్రత పెరుగుతోంది. సోమవారం కాల్వ శ్రీరాంపూర్ మండలంలో సరాసరి గరిష్ఠ ఉష్ణోగ్రత 40.9℃గా నమోదైందని హైదరాబాద్ వాతావరణ కేంద్రం తెలిపింది. అటు చలి తీవ్రత కూడా తగ్గడంతో ఓదెల మండలంలో 18.0℃ సరాసరి కనిష్ఠ ఉష్ణోగ్రతలు నమోదయ్యాయి. కాగా, ఇప్పటికే జిల్లా ప్రజలు ఉక్కుపోతతో ఇబ్బందులు పడుతున్నారు. మధ్యాహ్నం సమయంలో వేడి తీవ్రత మరింత ఎక్కువగా ఉంటోంది.
Similar News
News November 30, 2025
సీఎం పర్యటన ఏర్పాట్లను పరిశీలించిన తుమ్మల
కొత్తగూడెంలో సీఎం పర్యటన ఏర్పాట్లను రాష్ట్ర మంత్రి తుమ్మల నాగేశ్వరరావు ఆదివారం రోజు పరిశీలించారు. డిసెంబర్ 2న మన్మోహన్ సింగ్ ఎర్త్ సైన్సెస్ యూనివర్సిటీ ప్రారంభోత్సవానికి సీఎం రేవంత్ రెడ్డి రానున్నారు. ఈ నెల 2వ తేదీ మధ్యాహ్నం 2 గంటలకు సీఎం రేవంత్ రెడ్డి పర్యటన ఉంటుందన్నారు. జిల్లా కలెక్టర్, ఎస్పీ, ఐటీడీఏ పీఓ, ఎమ్మెల్యేలు కూనంనేని, జారే, పాయం లతో కలిసి ఏర్పాట్ల సమీక్ష, సూచనలు చేశారు.
News November 30, 2025
యూత్ సంకల్పమే ‘వికసిత్ భారత్’: మోదీ
డ్రోన్ పోటీలో పుణే యువత చూపిన పట్టుదల, ఇస్రో సైంటిస్టుల నిబద్ధత ఒక్కటేనని ప్రధాని మోదీ అన్నారు. యువతరం సంకల్పమే ‘వికసిత్ భారత్’ అని, టెక్నాలజీ అభివృద్ధిలో వారి కృషి కీలకమని చెప్పారు. ‘చంద్రయాన్-2 ఫలితంతో నిరాశ చెందిన శాస్త్రవేత్తలు అదే రోజు చంద్రయాన్-3 విజయగాథ రాయడం మొదలుపెట్టారు. వైఫల్యాలే విజయానికి తొలి అడుగు. పరిశోధన రంగంలో భారత్ దూసుకుపోతోంది’ అని 128వ ‘మన్ కీ బాత్’లో మోదీ పేర్కొన్నారు.
News November 30, 2025
నెల్లూరుకు చేరుకున్న NDRF బృందాలు
తుఫాన్ ప్రభావం నెల్లూరు జిల్లాపై ఎక్కువగా ఉంటుందని వాతావరణ శాఖ హెచ్చరికలు జారీ చేసింది. తీర ప్రాంతాల ప్రజలను అధికారులు అప్రమత్తం చేశారు. విపత్కర పరిస్థితులను ఎదుర్కొనేందుకు నెల్లూరు జిల్లాకు NDRF బృందాలు చేరుకున్నాయి. డీఎస్పీ ఆఫీస్ దగ్గరకు NDRF టీం ఉంది. ప్రజలు ఇళ్లలోనే ఉండాలని.. బయటికి రావొద్దని సూచిస్తున్నారు.