News September 1, 2024

పెద్దపల్లి జిల్లాలో 47,738 కుక్కలు

పెద్దపల్లి జిల్లాలో వీధి కుక్కలు స్వైర విహారం చేస్తున్నాయి. రాష్ట్ర వ్యాప్తంగా ఇదే పరిస్థితి నెలకొనడంతో శునకాల సంతతి నియంత్రించేందుకు పశుసంవర్ధకశాఖ చర్యలు చేపట్టాలని ప్రభుత్వం ఆదేశాలు జారీ చేసింది. ఈ మేరకు గ్రామాలు, పట్టణాల్లో జంతు సంతతి నియంత్రణ కమిటీలను ఏర్పాటు చేసి శునకాల గణన చేపట్టారు. జిల్లా వ్యాప్తంగా 11,748 పెంపుడు, 35,990 వీధి కుక్కలు కలిపి మొత్తం 47,738 కుక్కలు ఉన్నట్లు గుర్తించారు.