News February 18, 2025

పెద్దశేష వాహనంపై వైకుంఠ నాథుడి దర్శనం

శ్రీనివాసమంగాపురంలో బ్రహ్మోత్సవాలు ఘనంగా జరుగుతున్నాయి. తొలిరోజు మంగళవారం రాత్రి శ్రీకళ్యాణ వేంకటేశ్వర స్వామికి పెద్దశేష వాహన సేవ జరిగింది. వైకుంఠనాథుని అలంకారంలో స్వామివారు దర్శనం ఇచ్చారు. అశ్వాలు, వృషభాలు, గజాలు ముందు కదులుతుండగా మంగళ వాయిద్యాలు, భక్తుల కోలాటాలు, చెక్కభజనల నడుమ స్వామి, అమ్మవార్లు ఆలయ నాలుగు మాడ వీధుల్లో ఊరేగారు. భక్తులు కర్పూర హారతులు పట్టారు.