News January 26, 2025
పెళ్లి ఇష్టం లేక యువతి ఆత్మహత్య
ఇష్టం లేని పెళ్లి చేస్తారేమోనని అనుమానంతో వట్టివల్ల రజిత(20) ఉరివేసుకుని ఆత్మహత్యకు పాల్పడిన ఘటన డోన్ మండలం తిమ్మాపురంలో చోటుచేసుకుంది. గ్రామానికి చెందిన లక్ష్మన్న తన కూతురుకు పెళ్లి చేయాలని ఇటీవల సంబంధాలు చూస్తున్నారు. పెళ్లి ఇష్టం లేని రజిత శనివారం పొలం వద్దకు వెళ్లి చెట్టుకు ఉరివేసుకుని ఆత్మహత్యకు పాల్పడింది. తండ్రి ఫిర్యాదు మేరకు డోన్ రూరల్ పోలీసులు కేసు నమోదు చేశారు.
Similar News
News November 7, 2025
ఎందరికో ఆదర్శం అరుణిమా సిన్హా జీవితం
జాతీయ స్థాయి వాలీబాల్‌ ప్లేయర్‌గా ఎన్నో విజయాలు సాధించిన అరుణిమాను దొంగల రూపంలో విధి వెక్కిరించింది. వారిని అడ్డుకునే క్రమంలో ఆమెను కదులుతున్న రైలులోంచి బయటకు తోసేసారు. ఈ ప్రమాదంలో ఆమె కాలును పూర్తిగా తొలగించారు. ఇటువంటి పరిస్థితుల్లోనూ జీవితం ముగిసిపోయిందని ఆమె బాధపడలేదు. ఏదో ఒకటి సాధించాలనే తపనతో ఎవరెస్టు అధిరోహించిన ప్రపంచ తొలి మహిళా వికలాంగురాలుగా చరిత్ర సృష్టించారు.
News November 7, 2025
VJA: మాజీ డీసీపీ విశాల్‌ గున్ని కేసు అప్డేట్ ఇదే.!
విజయవాడ మాజీ డీసీపీ విశాల్‌ గున్ని సస్పెన్షన్‌ను ఉత్తర్వులను రద్దు చేయడంతో పాటు తక్షణం విధుల్లోకి తీసుకొని ఆయనకు పోస్టింగ్‌ ఇవ్వాలని ఇటీవల క్యాట్‌ ఉత్తర్వులను ఇచ్చింది. దీనిని సవాల్‌ చేస్తూ రాష్ట్ర ప్రభుత్వం దాఖలు చేసిన పిటిషన్‌పై హైకోర్టులో విచారణ జరిగింది. అడ్వకేట్ జనరల్ వాదనలు వినిపిస్తారని విచారణను వాయిదా వేయాలి’ అని ప్రభుత్వ న్యాయవాది కోరారు. విచారణను నవంబర్ 11కి వాయిదా వేసింది.
News November 7, 2025
రెబ్బెన: హత్య కేసు నిందితుడు పరార్!
హత్య కేసులో విచారణ కోసం తీసుకొచ్చిన ఓ నిందితుడు రెబ్బెన పోలీస్ స్టేషన్ నుంచి పరారు కావడం కలకలం రేపింది. చేతికి వేసిన సంకెళ్లతో స్టేషన్ నుంచి పారిపోయినట్లు సమాచారం. 5 రోజుల క్రితం తిర్యాణి మండలం పిట్టగూడాకి చెందిన హన్మంత్ రావును అదే గ్రామానికి చెందిన సిడం వినోద్ గొడ్డలితో నరికి చంపాడు. దీంతో వినోద్‌ను పోలీసులు తీసుకొచ్చి విచారించారు. కాగా 4 రోజులుగా పోలీసులు అతడి కోసం గాలిస్తున్నట్లు తెలుస్తోంది.