News April 3, 2024

పొన్నూరు వద్ద ఆటో ఢీ.. వ్యక్తి మృతి

గుంటూరు జిల్లా పొన్నూరు మండలం వెల్లలూరు వద్ద జిబిసి రోడ్డుపై మంగళవారం ఆటో ఢీకొని అదే గ్రామానికి చెందిన వ్యక్తి మృతి చెందాడు. రూరల్ పోలీసులు తెలిపిన వివరాల ప్రకారం.. వెల్లలూరుకు చెందిన చందు సురేంద్ర ద్విచక్ర వాహనంపై వస్తుండగా పొన్నూరు నుంచి గుంటూరు వెళుతున్న టాటా మ్యాజిక్ ఆటో వేగంగా వచ్చి ఢీకొంది. ఈ ఘటనలో సురేంద్ర అక్కడికక్కడే మృతి చెందాడు. రూరల్ పోలీసులు దర్యాప్తు చేస్తున్నారు.