News November 18, 2024
పోలీసులపై ప్రివిలేజ్ మోషన్: తిరుపతి MP
ఫిర్యాదు చేయడానికి పోలీస్ స్టేషన్ వెళ్తే కనీసం తీసుకోవడానికి కూడా వారు ఆసక్తి చూపలేదని తిరుపతి ఎంపీ గురుమూర్తి ఆగ్రహం వ్యక్తం చేశారు. జగన్‌పై జుగుప్సాకర పోస్టులను పెట్టిన వారిపై చర్యలు తీసుకోవాలని భూమన కరుణాకర్ రెడ్డి, మాజీ మంత్రి రోజా తదితరులతో కలిసి ఆయన ఈస్ట్ పోలీస్ స్టేషన్లో ఫిర్యాదు చేశారు. 40 నిమిషాల పాటు తమను పట్టించుకోలేదని, వారిపై ప్రివిలైజేషన్ మూవ్ చేస్తామని హెచ్చరించారు.
Similar News
News December 10, 2024
తిరుపతి: యువతి మృతి.. అసలేం జరిగింది?
చంద్రగిరి(M) ముంగిలిపట్టు వద్ద నిన్న <<14835672>>చనిపోయిన <<>>యువతి పాకాల(M) వడ్డేపల్లికి చెందిన శ్రావణి(23)గా గుర్తించారు. తిరుపతిలో పనిచేసే ఆమెకు పూతలపట్టు(M) కమ్మవాండ్లపల్లె కార్తీక్‌తో పరిచయం ఉంది. ఇద్దరూ బైకుపై తిరుపతి నుంచి ముంగిలిపట్టుకు వచ్చారు. సాయంత్రం అమ్మాయి ఏడుస్తుండగా స్థానికులు గమనించారు. ఆ తర్వాత ఆమెను కార్తీక్ ఏమైనా చేశాడా? రోడ్డు దాటుతుంటే వాహనం ఢీకొని చనిపోయిందా? అనేది తెలియాల్సి ఉంది.
News December 10, 2024
మదనపల్లె: కొడవలితో 10వ తరగతి విద్యార్థి హల్‌చల్
రాయచోటిలో విద్యార్థుల దాడిలో ఓ టీచర్ మృతిచెందిన ఘటన మరువక ముందే మదనపల్లెలో ఆ తరహా ఘటనే వెలుగు చూసింది. నీరుగట్టువారిపల్లెలోని ఓ స్కూల్లో 10వ తరగతి విద్యార్థి బ్యాగులో సోమవారం కొడవలి దాచుకుని వెళ్లాడు. క్లాస్‌లోని తోటి విద్యార్థులకు కొడవలి చూపించడంతో వారు భయంతో పరుగులు తీశారు. అప్రమత్తమైన టీచర్లు, హెచ్ఎం పోలీసులకు సమాచారం ఇవ్వగా పోలీసులు వెళ్లి విద్యార్థి పేరంట్స్‌కు కౌన్సెలింగ్ ఇచ్చారు.
News December 10, 2024
తిరుపతి కలెక్టర్‌కు 696 ఫిర్యాదులు
తిరుపతి జిల్లా వ్యాప్తంగా సోమవారం రెవెన్యూ సదస్సులు నిర్వహించినట్టు కలెక్టర్ వెంకటేశ్వర్ తెలిపారు. 32 సదస్సులలో సమస్యలపై 696 ఫిర్యాదులు అందినట్టు ఆయన వెల్లడించారు. ఇందులో కొన్ని సమస్యలు అక్కడికక్కడే పరిష్కరించగా.. మిగిలిన వాటిని సంబంధిత అధికారులు త్వరలోనే పరిష్కరించేలా చర్యలు తీసుకోనున్నట్టు తెలిపారు.