News April 10, 2025
పోలీసుల అదుపులో ఐటీడీపీ కార్యకర్త కిరణ్
YS భారతిపై అనుచిత వ్యాఖ్యలు చేసిన ఐటీడీపీ కార్యకర్త చేబ్రోలు కిరణ్‌ను పోలీసులు అదుపులోకి తీసుకున్నారు. అనుచిత వ్యాఖ్యలపై అరండల్ పేట పోలీసులు కేసు నమోదు చేసినట్లు తెలుస్తోంది. కిరణ్‌ను అదుపులోకి తీసుకొని నల్లపాడు పోలీస్ స్టేషన్‌కు తరలించి, అనుచిత వ్యాఖ్యలు చేయడానికి గల కారణాలను పోలీసులు తెలుసుకునే ప్రయత్నం చేస్తున్నారు. పూర్తి వివరాలు తెలియాల్సి ఉంది.
Similar News
News November 30, 2025
మక్తల్‌లో ‘నో-ఫ్లయింగ్ జోన్’గా ప్రకటన: ఎస్పీ వినీత్
మక్తల్ పట్టణానికి వీఐపీలు, నాయకులు వస్తున్న సందర్భంగా భద్రతా కారణాల దృష్ట్యా ఆ ప్రాంతాన్ని ‘నో-ఫ్లయింగ్ జోన్’గా ప్రకటించినట్లు జిల్లా SP డా.వినీత్ లిప్స్ తెలిపారు. నవంబర్ 30న రాత్రి 8 గంటల నుంచి డిసెంబర్ 1న రాత్రి 8 గంటల వరకు ఈ ఆదేశాలు అమల్లో ఉంటాయన్నారు. ఈ సమయంలో డ్రోన్లు, యూఏవీలు వంటి రిమోట్ కంట్రోల్ ఫ్లయింగ్ పరికరాల వాడకం పూర్తిగా నిషేధం అని, నిబంధనలు ఉల్లంఘిస్తే చర్యలు తప్పవని హెచ్చరించారు.
News November 30, 2025
మెదక్: ‘నిర్భయంగా బయటకు రండి’
మహిళలు, బాలికల భద్రత కోసం షీ టీమ్స్ నిరంతరం పనిచేస్తాయని మెదక్ ఎస్పీ డి. వి. శ్రీనివాస రావు తెలిపారు. వేధింపులకు గురవుతున్నవారు మౌనం వీడి, నిర్భయంగా ముందుకు వచ్చి ఫిర్యాదు చేయాలని సూచించారు. ఫిర్యాదు వివరాలు పూర్తిగా గోప్యంగా ఉంచుతామని స్పష్టం చేశారు. మెదక్ డివిజన్‌లో 5 ఎఫ్‌ఐఆర్‌లు, 8 ఈ-పిట్టి కేసులు, తూప్రాన్ డివిజన్‌లో 3 ఎఫ్‌ఐఆర్‌లు, ఈ-పిట్టి కేసులు నమోదు చేసినట్లు ఎస్పీ వివరించారు.
News November 30, 2025
కొత్తపల్లి: నందిగామలో నామినేషన్ వేసిన అత్తాకోడలు
కొత్తపల్లి మండలంలోని నందిగామ గ్రామ పంచాయతీకి అత్తాకోడలు ఇద్దరే నామినేషన్ వేశారు. అత్త రత్నమ్మ, కోడలు శారద నామినేషన్ వేశారు. ఒక్కరే ఏకగ్రీవంగా ఎన్నికయ్యే అవకాశం ఉంది. నామినేషన్ల పరిశీలనలో భాగంగా ఇబ్బందులు తలెత్తితే ఒక్కరైనా ఉంటారని ఉద్దేశంతో ఇద్దరు నామినేషన్ వేయడం జరిగిందని గ్రామస్థుల తెలిపారు. నామినేషన్లు ఉపసంహరణలో ఒకరు ఉపసంహరించుకొని ఒకరు ఏకగ్రీవంగా ఎన్నికవుతారు అని గ్రామస్థులు పేర్కొన్నారు.