News October 14, 2024
ప్రకాశం కలెక్టరేట్‌లో కంట్రోల్ రూమ్ ఏర్పాటు
ప్రకాశం జిల్లాలో భారీ వర్షాలు కురుస్తున్న నేఫథ్యంలో జిల్లా అధికార యంత్రాంగాన్ని కలెక్టర్ తమీమ్‌ అన్సారియా అప్రమత్తం చేశారు. కలెక్టరేట్‌లో కంట్రోల్ రూమ్ ఏర్పాటు చేసినట్లు వెల్లడించారు. ప్రజలు అత్యవసర సమయంలో కలెక్టరేట్‌లోని 1077కు కాల్ చేయాలన్నారు. ఒంగోలు RDO కార్యాలయంలోని 9281034437, 9281034441 నంబర్లను సైతం సంప్రదించవచ్చన్నారు. అలాగే కరెంట్ సమస్యలుంటే 9440817491 నంబర్‌కు ఫోన్ చేయాలని కోరారు.
Similar News
News November 30, 2025
ప్రకాశం ప్రజలకు కలెక్టర్ కీలక సూచన
ప్రకాశం జిల్లాలో సోమవారం భారీ వర్షాలు కురిసే అవకాశం ఉందని.. ప్రజలు అప్రమత్తంగా ఉండాలని కలెక్టర్ రాజాబాబు కోరారు. ఒంగోలులోని కలెక్టర్ కార్యాలయంలో ఆదివారం ఆయన మాట్లాడుతూ.. వర్షాల నేపథ్యంలో కలెక్టర్ కార్యాలయం వద్ద 24 గంటల కంట్రోల్ రూమ్ 08592 – 281400 ఏర్పాటు చేశామని చెప్పారు. అత్యవసర ఆపరేషన్ కేంద్రం టోల్ ఫ్రీ నెంబర్ 1077 అందుబాటులో ఉంటుందని సూచించారు.
News November 30, 2025
మార్కాపురం జిల్లా.. కొత్తగా మరికొన్ని డిమాండ్‌లు
మార్కాపురం జిల్లా పశ్చిమ ప్రకాశం ప్రజల ఏళ్ల నాటి కల. అది సాకారమయ్యే వేళ ప్రజలు మరికొన్ని అంశాలను తెరపైకి తెస్తున్నారు. మార్కాపురం జిల్లాకు కాటమరాజు పేరు పెట్టాలని కొందరు డిమాండ్ చేస్తున్నారు. దొనకొండ, కురిచేడు మండలాలను కూడా మార్కాపురంలో కలిపితేనే ఆర్థిక అభివృద్ధి జరుగుతుందని వైసీపీ నాయకులు అంటున్నారు. మరోవైపు గిద్దలూరును కనిగిరి డివిజన్‌లో కలపడంపై అక్కడి ప్రజలు అసహనం వ్యక్తం చేస్తున్నారు.
News November 30, 2025
తుఫాన్ ఎఫెక్ట్.. ప్రకాశం పోలీస్ అలర్ట్.!
దిత్వా తుఫాను ప్రభావంతో జిల్లాలో భారీ వర్షాలు కురిసే అవకాశం ఉండగా ప్రజలు అప్రమత్తంగా ఉండాలని ఒంగోలు DSP రాయపాటి శ్రీనివాసరావు అన్నారు. ఒంగోలులోని డీఎస్పీ కార్యాలయంలో శనివారం ఆయన మాట్లాడుతూ.. తుఫాను ప్రభావం కారణంగా సముద్ర తీర ప్రాంతాలను కొత్తపట్నం, ఈతముక్కల బీచ్ల వద్దకు ఎవరు వెళ్లరాదన్నారు. అలాగే అత్యవసరమైతే వెంటనే డయల్ 112కు సమాచారం అందించాలని సూచించారు.