News December 11, 2024
ప్రకాశం జిల్లా వైసీపీ నేతలతో ఇవాళ జగన్ భేటీ
వైసీపీ అధినేత జగన్ పార్టీ బలోపేతంపై ఫోకస్ పెట్టారు. తాడేపల్లిలోని పార్టీ కేంద్ర కార్యాలయంలో ఉమ్మడి ప్రకాశం జిల్లా నేతలతో ఇవాళ భేటీ కానున్నారు. ఎంపీపీలు, జడ్పీటీసీలు, మున్సిపల్ ఛైర్‌ పర్సన్లు, స్థానిక ప్రజా ప్రతినిధులు ఈ సమావేశంలో పాల్గొననున్నారు. ఎన్నికల్లో ఓటమి, బాలినేని పార్టీ వీడటం సహా పలు అంశాలపై ఈ భేటీలో చర్చించనున్నారు.
Similar News
News November 30, 2025
1100 సేవలను సద్వినియోగం చేసుకోండి: కలెక్టర్
ప్రకాశం జిల్లా ప్రజలు మీకోసం కాల్ సెంటర్ 1100 సేవలను వినియోగించుకోవాలని కలెక్టర్ రాజాబాబు కోరారు. గ్రీవెన్స్ డేలో అర్జీలు అందించినప్పటికీ పరిష్కారం కాకపోయినా, తమ ఫిర్యాదులకు సంబంధించిన సమాచారం తెలుసుకునేందుకు 1100ను సంప్రదించాలని సూచించారు. తుఫాన్ నేపథ్యంలో సోమవారం జిల్లా కేంద్రంలో PGRS రద్దయిన విషయం తెలిసిందే.
News November 30, 2025
ప్రకాశం జిల్లాలో ఆ 14 మండలాలపై దిత్వా తుఫాన్ ప్రభావం
ప్రకాశం జిల్లాలోని 14 మండలాలు, 168 గ్రామాల్లో దిత్వా తుఫాను ప్రభావం ఉండే అవకాశం ఉందని జిల్లా కలెక్టర్ రాజాబాబు అన్నారు. ఒంగోలులోని కలెక్టర్ కార్యాలయం నుంచి ఆదివారం మండల స్థాయి అధికారులతో కలెక్టర్ టెలికాన్ఫరెన్స్ నిర్వహించారు. తుఫాను హెచ్చరిక నేపథ్యంలో అధికారులందరూ ముందస్తు జాగ్రత్త చర్యలు తీసుకోవాలన్నారు. జిల్లాలోని చెరువుల వద్ద క్షేత్రస్థాయి సిబ్బంది పరిస్థితిని గమనించాలన్నారు.
News November 30, 2025
ప్రకాశం: సెల్‌ఫోన్ మాట్లాడుతూ డ్రైవింగ్ వద్దు..!
సెల్‌ఫోన్ చూస్తూ, మాట్లాడుతూ.. డ్రైవింగ్ చేస్తే, ప్రమాదాలను ఆహ్వానించినట్లేనని ప్రకాశం పోలీసులు వాహనదారులకు సూచించారు. ప్రమాదాల నివారణ, సైబర్ నేరాలపై విస్తృత అవగాహన కల్పిస్తున్నామని చెప్పారు. మద్యం మత్తులో వాహనాలు నడిపి ప్రమాదాల బారిన పడవద్దని కోరారు. వాహనదారులు రోడ్డు భద్రతా నియమాలు పాటించాలని సూచించారు.