News January 11, 2025
ప్రకాశం: దేహదారుఢ్య పరీక్షలు పారదర్శకంగా నిర్వహించాం: SP
పోలీస్ కానిస్టేబుల్ అభ్యర్థుల దేహదారుఢ్య పరీక్షలు ఎలాంటి అవకతవకలకు, అనుమానాలకు తావు లేకుండా పారదర్శకంగా నిర్వహించామని జిల్లా ఎస్పీ దామోదర్ పేర్కొన్నారు. గత 10 రోజులుగా నిర్వహిస్తున్న దేహదారుఢ్య పరీక్షలు శుక్రవారంతో ముగిశాయి. ఉదయం ఐదు గంటల నుంచి ప్రారంభమైన ఈ దేహదారుఢ్య పరీక్షలకు వచ్చే అభ్యర్థులకు ముందుగా సర్టిఫికెట్స్ వెరిఫికేషన్, బయోమెట్రిక్, ఎత్తు, ఛాతి వంటి టెస్టులు నిర్వహించారు.
Similar News
News January 18, 2025
ప్రకాశం: 20వ తేదీ నుంచి ఆరోగ్య శిబిరాలు
ప్రకాశం జిల్లాలోని ప్రతి గ్రామంలో జనవరి 20వ తేదీ నుండి 31 వరకు ఆరోగ్య శిబిరాలను నిర్వహించనున్నట్లు జిల్లా కలెక్టర్ తమీమ్ అన్సారియా శుక్రవారం తెలిపారు. ఈ సందర్భంగా ఆమె మాట్లాడుతూ.. ఈ శిబిరాలలో పశువులకు, దూడలకు, గొర్రెలకు, మేకలకు నట్టల నివారణ మందులను అందజేయనున్నట్లు తెలిపారు. అన్ని పశువులకు గొంతువాపు వ్యాధి నివారణ టీకాల కార్యక్రమం కూడా ఉంటుందన్నారు.
News January 18, 2025
ప్రకాశం: ఒకే రోజు జిల్లాలో నలుగురు మృతి
వివిధ కారణాలతో ఒకేరోజు జిల్లాలో నలుగురు మృత్యువాత పడ్డారు. మార్కాపురం మండలం గొబ్బూరు గ్రామానికి చెందిన నారాయణ మార్కాపురం రైల్వే స్టేషన్ వద్ద రైలు కింద పడి ఆత్మహత్య చేసుకోగా, కనిగిరికి చెందిన అనంతమ్మ క్యాన్సర్తో బాధపడుతూ ఇంట్లో ఉరి వేసుకుని ఆత్మహత్య చేసుకుంది. నాగులుప్పలపాడు మండలం చదలవాడలో రహదారి ప్రమాదంలో ప్రతాప్ మృతిచెందగా, కురిచేడులో యశ్వంత్ అనుమానాస్పద స్థితిలో మృతి చెందాడు.
News January 18, 2025
కురిచేడు: ప్రేమించిన యువతి ఇంటి ముందే యువకుడు మృతి
ప్రేమించిన యువతి ఇంటి ముందే ఓ యువకుడు అనుమానాస్పద స్థితిలో మృతి చెందాడు. ఈ ఘటన కురిచేడులో చోటుచేసుకుంది. ఎన్ఎస్పీ అగ్రహారానికి చెందిన యశ్వంత్ (25), ఓ యువతి ఐదేళ్ల నుండి ప్రేమించుకుంటున్నారు. కాగా ఆ యువతికి ఇటీవల వివాహం అయింది. పండుగకు ఆ యువతి పుట్టింటికి రావటంతో తిరునాళ్లకు వెళ్లి వస్తానని ఇంట్లో చెప్పిన యశ్వంత్ ఆ యువతి వద్దకు వెళ్లాడు. తెల్లారేసరికి మృతి చెందాడు. మరిన్ని వివరాలు తెలియాల్సి ఉంది.