News August 20, 2024
ప్రకాశం: CC రోడ్ల నిర్మాణానికి లైన్ క్లియర్
2023-24 సంవత్సరానికి సంబంధించి ఉపాధి హామీ నిధులు రూ.120 కోట్లు ప్రకాశం జిల్లాకు ప్రభుత్వం కేటాయించింది. ఒక్కో నియోజకవర్గానికి రూ.15 కోట్లు చొప్పున ప్రతి మండలానికి రూ. 3 కోట్లు అందే విధంగా అధికారులు ప్రణాళిక రూపొందించారు. ఇందులో భాగంగా ఒంగోలు అసెంబ్లీ పరిధిలోని కొత్తపట్నం, ఒంగోలు మండలాలకు రూ.7.50 కోట్లు కేటాయించారు. తద్వారా మండలంలోని 92 కి.మీ CC రోడ్లు, 61 కి.మీ కాలువల నిర్మాణం చేపట్టనున్నారు.
Similar News
News December 20, 2025
టంగుటూరులో హత్యకు కారణం అదేనా..?
టంగుటూరులోని HDFCలో సెక్యూరిటీ గార్డ్ రమణయ్య హత్య కేసులో పోలీసులు దర్యాప్తు వేగవంతం చేశారు. డబ్బు కోసమే హత్య జరిగి ఉండవచ్చనే కోణంలో దర్యాప్తు కొనసాగుతోంది. సింగరాయకొండ సీఐ హజరత్తయ్య పర్యవేక్షణలో పోలీసులు హత్య కేసును అన్ని కోణాల్లో విచారిస్తున్నారు. అయితే ఇప్పటికే ఈ కేసు దర్యాప్తు ఓ కొలిక్కి వచ్చినట్లు చర్చ జరుగుతోంది. కాగా పోలీసులు పూర్తి వివరాలు వెళ్లడించాల్సి ఉంది.
News December 20, 2025
ప్రకాశంలో పెద్ద మిస్టరీ.. 38408 కార్డుల కథేంటి..?
ప్రకాశం జిల్లాలో ఇంకా కొందరు వివిద కారణాలతో తీసుకోని 38408 స్మార్ట్ రేషన్ కార్డులు అలానే ఉన్నాయన్నది అధికారిక లెక్క. మొత్తం 651820 స్మార్ట్ కార్డులు రాగా, అక్టోబర్ 11న అధికారులు పంపిణీ ప్రక్రియ ప్రారంభించారు. డీలర్లు, సచివాలయ సిబ్బంది ఇప్పటికి 613412 కార్డులను పంపిణీ చేశారు. మిగిలిన 38408 కార్డుల సంగతి అధికారులు తేల్చాల్సిఉంది. కార్డులు తీసుకోకపోతే వెనక్కి పంపేందుకు అధికారులు సిద్ధమవుతున్నారు.
News December 20, 2025
ప్రకాశం: పెన్షన్దారులకు కీలక సూచన.!
ప్రకాశం జిల్లాలోని ఆయా సబ్ ట్రెజరీల పరిధిలో సర్వీస్ పింఛన్ పొందే పెన్షన్దారులకు జిల్లా ఖజానా అధికారి జగన్నాధరావు శుక్రవారం కీలక సూచన చేశారు. పెన్షన్దారులు లైఫ్ సర్టిఫికెట్, నాన్ ఎంప్లాయిమెంట్ సర్టిఫికెట్తోపాటు అదనంగా నాన్ రీ మ్యారేజ్ సర్టిఫికెట్లను 2026 జనవరి 1 నుంచి, ఫిబ్రవరి 28వ తేదీలోగా సమర్పించాలని ఆయన సూచించారు. అలాగే ఏవీసీ ఫారాలను పోస్టాఫీస్, మీసేవ కేంద్రాల ద్వారా సమర్పించవచ్చన్నారు.