News February 12, 2025
ప్రజలంతా అప్రమత్తంగా ఉండాలి: డాక్టర్ సుహాసిని
బర్డ్ ఫ్లూ లక్షణాలతో కోళ్లు మృతిచెందుతున్న నేపథ్యంలో ప్రజలంతా అప్రమత్తంగా ఉండాలని, ఎన్టీఆర్ జిల్లా వైద్య ఆరోగ్యశాఖ అధికారి డాక్టర్ సుహాసిని అన్నారు. చికెన్, గుడ్లు తినకుండా ఉండాలని, కోళ్ల ఫారాల నిర్వాహకులు, సిబ్బంది అప్రమత్తంగా ఉండాలన్నారు. నిత్యం శానిటైజర్‌లతో చేతులను శుభ్ర పరుచుకోవాలన్నారు. మాస్క్ ధరించిన తరువాత ఫారాల్లో పనులు చేయాలని సూచించారు.
Similar News
News November 29, 2025
శ్రీకాకుళం: కానిస్టేబుల్‌ను ఈడ్చికెళ్లిన ఆటో.. డ్రైవర్‌కు జైలు శిక్ష
శ్రీకాకుళంలో ట్రాఫిక్ విధుల్లో ఉన్న కానిస్టేబుల్‌ను మురళీకృష్ణను ఆటోతో డ్రైవర్ శ్రీనివాసరావు ఈడ్చుకొని వెళ్లిన ఘటనపై కేసు నమోదు చేశామని ట్రాఫిక్ సీఐ రామారావు తెలిపారు. మురళీకృష్ణకు గాయాలు కాగా డ్రైవర్‌ను మెజిస్ట్రేట్ శివరామకృష్ణ వద్ద హాజరుపరచగా 7 రోజుల జైలు శిక్ష విధించినట్లు చెప్పారు. శ్రీనివాసరావును సబ్ జైలుకు తరలించినట్లు చెప్పారు. రహదారిపై ఇష్టమొచ్చినట్లు ప్రవర్తిస్తే చర్యలు తప్పవన్నారు.
News November 29, 2025
ఈ నంబర్లు సేవ్ చేసుకోండి: ప.గో జేసీ
పశ్చిమగోదావరి జిల్లాలో ధాన్యం కొనుగోళ్ల సమస్యల పరిష్కారానికి ప్రత్యేక కంట్రోల్‌ రూమ్‌ ఏర్పాటు చేసినట్లు జాయింట్‌ కలెక్టర్‌ టి.రాహుల్‌కుమార్‌ రెడ్డి తెలిపారు. రైతులు సమస్యలపై 8121676653, 18004251291 నంబర్లలో సంప్రదించవచ్చన్నారు. రానున్న రెండు, మూడు రోజుల్లో వర్షాలు కురిసే అవకాశం ఉన్నందున రైతులు అప్రమత్తంగా ఉండాలని, ధాన్యం తడవకుండా తగు జాగ్రత్తలు తీసుకోవాలని సూచించారు.
News November 29, 2025
ప్రాణం తీసిన ఇంటర్వ్యూ.. 28ఏళ్ల తర్వాత ప్రతీకారం!
TG: సిరిసిల్ల(D)లో మాజీ మావోయిస్టు సిద్ధయ్య(58) ఊహించని రీతిలో హత్యకు గురవడం చర్చనీయాంశమైంది. మావోయిస్టుగా ఉన్నప్పుడు తాను చేసిన హత్యల గురించి సిద్ధయ్య ఓ యూట్యూబ్ ఇంటర్వ్యూలో చెప్పాడు. 1997లో ఇన్ఫార్మర్‌గా పనిచేస్తున్నాడన్న కారణంతో JGLకు చెందిన అంజయ్యను చంపానన్నాడు. ఇది చూసిన అంజయ్య కొడుకు సంతోష్ ఇంటర్వ్యూ కోసం సిద్ధయ్యను సంప్రదించి, అగ్రహారం గుట్టల్లోకి తీసుకెళ్లి తలపై బండరాయితో కొట్టి చంపేశాడు.