News November 13, 2024
ప్రయాణికుల నుంచి మంచి స్పందన: KNR RTC RM
ఈనెల 15న పౌర్ణమి సందర్భంగా అరుణాచల గిరి ప్రదక్షిణ కోసం KNR రీజియన్ నుంచి స్పెషల్ బస్సులు బుధవారం బయలుదేరి వెళ్లినట్లు ఆర్టీసి KNR RM ఎన్.సుచరిత ‘Way2News’కు తెలిపారు. GDK, HSB, KNR, JGL, VMD నుంచి సూపర్ లగ్జరీ బస్సులు వెళ్లాయని, ప్రయాణికుల నుంచి మంచి స్పందన లభించిందని పేర్కొన్నారు. అన్ని బస్సులు ఫుల్ అయినట్లు తెలిపారు. ప్రతి పౌర్ణమికి అదనపు బస్సులు ఏర్పాటు చేసే విధంగా చేస్తామన్నారు.
Similar News
News December 4, 2024
రామగుండం, జైపూర్‌లో థర్మల్ విద్యుత్ ప్రాజెక్టులు నిర్మిస్తాం: డిప్యూటీ సీఎం
రామగుండం, జైపూర్ రెండు ప్రాంతాల్లో థర్మల్ విద్యుత్ ప్రాజెక్టులు నిర్మిస్తామని డిప్యూటీ సీఎం భట్టి విక్రమార్క అన్నారు. బుధవారం పెద్దపల్లి భారీ బహిరంగ సభలో ఆయన ప్రసంగించారు. బీఆర్ఎస్ పాలనలో పదేళ్ల పాటు చిన్న చిన్న ఉపాధి పనులనే పెద్దగా ప్రచారం చేశారన్నారు. బీఆర్ఎస్ ప్రభుత్వం ఒక్క ఉద్యోగం ఇవ్వలేదని, మేం 11 నెలల్లోనే 56 వేల ఉద్యోగాలు ఇచ్చామని, ఇంకా కొన్ని క్యాలెండర్ ప్రకారం నడుస్తున్నాయన్నారు.
News December 4, 2024
పెద్దపల్లి: గ్రూప్-4 నియామక పత్రాలు అందజేసిన సీఎం
గ్రూప్-4 ఉద్యోగాలు పొందిన అభ్యర్థులకు సీఎం రేవంత్ రెడ్డి నియామక పత్రాలు అందజేశారు. పెద్దపల్లిలో నిర్వహించిన యువ వికాసం కార్యక్రమంలో భాగంగా నియామక పత్రాలను అందజేసి వారిని అభినందించారు. రాష్ట్ర వ్యాప్తంగా 8,084 మందికి నియామక పత్రాలు అందజేశామని ఈ సందర్భంగా ఆయన తెలిపారు. రానున్న రోజుల్లో మరిన్ని ఉద్యోగాలను భర్తీ చేస్తామన్నారు.
News December 4, 2024
డిమాండ్‌కు తగ్గట్టుగా బొగ్గు ఉత్పత్తి చేయాలి: సింగరేణి C&MD
పెరుగుతున్న విద్యుత్ డిమాండ్‌ను దృష్ట్యా సింగరేణితో ఒప్పందం ఉన్న థర్మల్ విద్యుత్ కేంద్రాలకు సరిపడా బొగ్గును సరఫరా చేసేందుకు వీలుగా రోజుకు 2.5 లక్షల టన్నుల బొగ్గు ఉత్పత్తి, రవాణా చేయాలని సింగరేణి సంస్థ C&MD బలరాం ఆదేశించారు. ఈ ఆర్థిక సంవత్సరంలో మిగిలి ఉన్న 120 రోజుల్లో ఉత్పత్తి లక్ష్య సాధనకు సమష్టిగా కృషి చేయాలన్నారు. అన్ని ఏరియాల GMలతో ఉత్పత్తిపై ప్రత్యేక సమీక్షా సమావేశం నిర్వహించారు.