News September 7, 2024

ప.గో జిల్లాలో భారీ వర్షం.. ఉద్ధృతంగా కాలువలు

image

ఉమ్మడి ప.గో జిల్లా వ్యాప్తంగా సాయంత్రం భారీ వర్షం పడింది. కాలువలు ఉద్ధృతంగా ప్రవహిస్తున్నాయి. ఏలూరు జిల్లాలో జీలుగుమిల్లి మండలం నుంచి బర్రింకలపాడు వెళ్లే రహదారిలో కాలువ పొంగడంతో రాకపోకలు నిలిచిపోయాయి. పలు చోట్ల రోడ్లన్నీ జలమయమయ్యాయి. వాహనదారులు తీవ్ర ఇబ్బందులు పడ్డారు. కాలువలు, వాగులు ఉద్ధృతంగా ఉన్నప్పుడు దాటే ప్రయత్నం చేయవద్దని అధికారులు కోరుతున్నారు.

Similar News

News November 29, 2025

తణుకులో యువకుడి దారుణ హత్య

image

తణుకు మండలం పైడిపర్రు డ్రైవర్స్‌ కాలనీలో శుక్రవారం అర్ధరాత్రి వ్యక్తి హత్యకు గురయ్యాడు. స్థానికులు తెలిపిన వివరాల మేరకు.. శిరాళం ప్రభాకర్‌(28), కందుల శ్రీను మిత్రులు. వారి మధ్య పాత గొడవల ఉన్నాయి. దీంతో శ్రీను మరో వ్యక్తితో కలిసి ప్రభాకర్‌ ఇంటికి వెళ్లి, నిద్రిస్తున్న అతడిపై కత్తితో దాడి చేశాడు. తీవ్ర గాయాలపాలైన ప్రభాకర్‌ చికిత్స పొందుతూ మృతి చెందాడు. పోలీసులు కేసు దర్యాప్తు చేస్తున్నారు.

News November 29, 2025

భీమవరం: 26 కంపెనీలు.. 3 వేల ఉద్యోగాలు

image

యువతకు ఉపాధి కల్పనే ధ్యేయంగా భీమవరం ఎస్.ఆర్.కె.ఆర్ కళాశాల వేదికగా శనివారం ‘మెగా జాబ్ మేళా’ జరగనుంది. ఏపీ నైపుణ్యాభివృద్ధి సంస్థ ఆధ్వర్యంలో నిర్వహించే ఈ మేళాలో 26 ప్రముఖ కంపెనీలు పాల్గొని, సుమారు 3 వేల పోస్టులను భర్తీ చేయనున్నాయి. పదో తరగతి ఆపై చదివి, 18-35 ఏళ్ల మధ్య వయసున్న అభ్యర్థులు అర్హులని జిల్లా నైపుణ్యాభివృద్ధి అధికారి లోకమాన్‌ తెలిపారు. ఈ అవకాశాన్ని సద్వినియోగం చేసుకోవాలని ఆయన కోరారు.

News November 29, 2025

ధాన్యం కొనుగోలుకు కంట్రోల్ రూమ్: జేసీ

image

పశ్చిమగోదావరి జిల్లాలోని ధాన్యం కొనుగోలు కేంద్రాలకు సంబంధించి కంట్రోల్ రూమ్ నంబర్లను ఏర్పాటు చేసినట్లు జాయింట్ కలెక్టర్ టి. రాహుల్ కుమార్ రెడ్డి శుక్రవారం ఒక ప్రకటనలో తెలిపారు. రైతులకు ఏవైనా సమస్యలు ఉంటే 8121676653, 18004251291 నంబర్లలో సంప్రదించాలని కోరారు. రానున్న రెండు, మూడు రోజుల్లో వర్షాలు పడే అవకాశం ఉన్నందున రైతులు అప్రమత్తంగా ఉండాలని ఆయన సూచించారు.