News May 9, 2024
ఫేక్ ఓటర్లపై క్రిమినల్ కేసు పెడతాం: అదితిసింగ్
తిరుపతి ఎంపీ ఉపఎన్నికలో భారీగా దొంగ ఓట్లు వేశారని ఆరోపణలు వచ్చిన విషయం తెలిసిందే. ఈక్రమంలో ఆయా సంఘటనలపై ఈసీ కఠిన చర్యలు తీసుకుని పలువురు ఉద్యోగులపై వేటు వేసింది. దీంతో తాజా ఎన్నికలపై తిరుపతి నియోజకవర్గ రిటర్నింగ్ అధికారిణి అదితిసింగ్ కీలక ప్రకటన చేశారు. ప్రజలంతా నిర్భయంగా ఓటు వేయాలని కోరారు. పోలింగ్ స్టేషన్ వద్ద ఫేక్ ఓటరని గుర్తిస్తే.. సంబంధిత వ్యక్తిపై క్రిమినల్ కేసులు పెడతామని హెచ్చరించారు.
Similar News
News December 24, 2024
తిరుపతిలో వ్యభిచారం.. ఒకరి అరెస్ట్
తిరుపతి నగరంలో మరోసారి వ్యభిచార గృహంపై పోలీసులు దాడులు చేశారు. నగరంలోని సత్యనారాయణపురంలో వ్యభిచారం నిర్వహిస్తున్నారన్న పక్కా సమాచారంతో తనిఖీలు చేశారు. ఈక్రమంలో ఇద్దరు అమ్మాయిలతో కుమారి అనే మహిళ ఈ తంతు నడిపిస్తున్నట్లు పోలీసులు గుర్తించారు. కుమారిని అరెస్ట్ చేశారు. ఇద్దరు అమ్మాయిలకు కౌన్సిలింగ్ ఇచ్చారు. ఇమ్మోరల్ ట్రాఫికింగ్ కింద కేసు నమోదు చేసినట్లు అలిపిరి పోలీసులు వెల్లడించారు.
News December 24, 2024
కరుణ, త్యాగానికి ప్రతి క్రిస్మస్: తిరుపతి కలెక్టర్
కరుణ, ప్రేమ మార్గం జీసస్ మార్గం అని జిల్లా కలెక్టర్ వెంకటేశ్వర్ పేర్కొన్నారు. జిల్లా క్రిస్టియన్ మైనార్టీ సంక్షేమశాఖ ఆధ్వర్యంలో క్రిస్మస్ హై టీ వేడుకలు స్థానిక జిల్లా కలెక్టరేట్ సమావేశ మందిరంలో నిర్వహించారు. కలెక్టర్ ముఖ్య అతిథిగా హాజరయ్యారు. జిల్లా రెవెన్యూ అధికారి నరసింహులు, చర్చి పాస్టర్లు, పలువురు క్రైస్తవులు తదితరులు పాల్గొన్నారు. ఈ సందర్భంగా కలెక్టర్ క్రిస్మస్ శుభాకాంక్షలు తెలిపారు.
News December 23, 2024
చంద్రగిరి: హైవేపై ప్రమాదం.. ఒకరు స్పాట్ డెడ్
చంద్రగిరి మండలం, కోదండరామాపురం జాతీయ రహదారిపై రోడ్డు ప్రమాదం చోటుచేసుకుంది. ముందు వెళుతున్న బైక్‌ను కారు ఢీకొట్టింది. ఈ ఘటనలో బైక్‌పై తిరుపతికి వస్తున్న దంపతుల్లో భర్త అక్కడిక్కడే మృతి చెందగా, భార్య తీవ్రంగా గాయపడింది. కొంత దూరం వెళ్లి కారు వదిలి డ్రైవర్ పరారయ్యాడు. మృతుడు తిరుచానూరుకు చెందిన బాలాజీగా పోలీసులు గుర్తించారు. పూర్తి వివరాలు తెలియాల్సి ఉంది.