News January 26, 2025
బంగారుపాలె: లోయలోకి దూసుకెళ్లిన లారీ
బంగారుపాలెం మండలం మొగిలి ఘాట్ వద్ద కాసేపటి క్రితం రోడ్డు ప్రమాదం జరిగింది. ఓ కంటైనర్ అదుపుతప్పి లోయలోకి దూసుకుపోవడంతో ఒకరు మృతి చెందారు. బెంగళూర్ నుంచి చిత్తూరు వైపు వస్తున్న కంటైనర్ అతివేగంగా రావడంతో అదుపుతప్పి లోయలోకి దూసుకెళ్లినట్లు స్థానికులు తెలిపారు. ఈ ఘటనలో క్లీనర్ అక్కడికక్కడే మృతి చెందగా డ్రైవర్‌కు తీవ్ర గాయాలయ్యాయి. వారిని స్థానిక ప్రభుత్వ ఆస్పత్రికి తరలించారు.
Similar News
News January 30, 2025
చిత్తూరు జిల్లాలో క్షుద్ర పూజలు కలకలం
కార్వేటి నగరం మండలం సిద్దగుంట గ్రామంలో క్షుద్ర పూజలు కలకలం రేపాయి. జనార్దన్ అనే వ్యక్తి తన ఇంట్లో ఓ మహిళ చేత క్షుద్ర పూజలు చేయిస్తుండగా స్థానికులు పోలీసులకు ఫిర్యాదు చేశారు. దీంతో పోలీసులు ఘటనా స్థలానికి చేరుకుని విచారణ చేపట్టారు. గత మూడు నెలలుగా ఇదేవిధంగా మహిళ చేత క్షుద్ర పూజలు చేయిస్తున్నట్లు సమాచారం. పోలీసులు ఇద్దరిని అదుపులోకి తీసుకున్నారు. మరో ముగ్గురు పరారీలో ఉన్నారు.
News January 30, 2025
చిత్తూరు:TISలో మార్పులకు అవకాశం
ప్రభుత్వ యాజమాన్య ఉపాధ్యాయులు TIS లాగిన్‌లో మార్పులు చేసుకునేందుకు అవకాశం కల్పించారని డీఈఓ వరలక్ష్మి వెల్లడించారు. జిల్లాలోని ప్రభుత్వ, మండల పరిషత్, జిల్లా పరిషత్, మున్సిపల్, నగరపాలక సంస్థ పరిధిలోని టీచర్లు TIS లాగిన్‌లో ఈ నెల 31 లోపు మార్పులు చేసి, సబ్మిట్ చేయాలన్నారు. TIS వివరాల ఆధారంగానే టీచర్ల ప్రమోషన్లు, ట్రాన్స్‌ఫర్స్ ఉంటాయన్నారు.
News January 30, 2025
విద్యార్థినిలకు చిత్తూరు కలెక్టర్ కీలక ఆదేశాలు
పాఠశాలల్లో, కళాశాలల్లో విద్యార్థులకు సమస్యలు ఉంటే వారు సోమవారం కలెక్టరేట్‌లో జరిగే గ్రీవెన్స్‌లో ఫిర్యాదు చేయాలని చిత్తూరు కలెక్టర్ సుమిత్ కుమార్ తెలిపారు. బుధవారం జిల్లా సచివాలయంలో మిషన్ వాత్సల్య పథకం అమలు తీరుపై సమావేశం నిర్వహించారు. పాఠశాలల్లో, కళాశాలల్లో విద్యార్థులను వేధించడం, ఈవ్ టీజింగ్ వంటి సమస్యలు ఉంటే ధైర్యంగా తమకు ఫిర్యాదు చేయాలని కలెక్టర్ తెలిపారు.