News January 25, 2025
బంజారాహిల్స్లో రోడ్డు ప్రమాదం.. ఒకరి మృతి
బంజారాహిల్స్లో రోడ్డు ప్రమాదం జరిగింది. క్యాన్సర్ ఆస్పత్రి వద్ద ఫుట్పాత్ మీదకు కారు దూసుకెళ్లింది. ఈ ప్రమాదంలో అక్కడే నిద్రిస్తున్న ఒకరు మృతి చెందారు. మరో ఇద్దరికి గాయాలయ్యాయి. ప్రమాదం జరిగిన వెంటనే కారును వదిలిపెట్టి అందులో ఉన్నవారు పారిపోయారు. విషయం తెలుసుకున్న పోలీసులు స్పాట్ వద్దకు చేరుకున్నారు. బాధితులను ఆస్పత్రికి తరలించారు. కారు నంబర్ ఆధారంగా కేసు నమోదు చేసి దర్యాప్తు చేస్తున్నారు.
Similar News
News December 8, 2025
కాజీపేటకు మరో రైల్వే ప్రాజెక్టు
KZPTలో ఇప్పటికే రైల్వే కోచ్ ఫ్యాక్టరీ పనులు వేగం పుంజుకున్నాయి. తాజాగా వ్యాగన్లు, రైలు ఇంజన్ల పిరియాడికల్ ఓవర్ హాలింగ్ షెడ్ను కాజీపేటలో ఏర్పాటు చేసేందుకు రైల్వే శాఖ నిర్ణయించింది. తొలుత MHBD తాళ్లపూసలపల్లిలో రూ.908 కోట్లతో నిర్మించేందుకు ప్రతిపాదించినా, అక్కడి రేగడి నేల ఫౌండేషన్కు అనుకూలం కాదనే నివేదికతో ప్రాజెక్టును కాజీపేట సమీపానికి మార్చారు. 300 ఎకరాల భూసేకరణకు కలెక్టర్కు ప్రతిపాదనలు పంపారు.
News December 8, 2025
GNT: అత్యవసర సమయంలో సంజీవిని LOC..!
పేదలకు వైద్య సహాయం కోసం CMRF, ఎన్టీఆర్ వైద్య సేవ పథకాలు ఉపయోగపడుతుంటాయని తెలిసిందే. ఇవి కాక అత్యవసర సమయంలో ప్రజల ప్రాణాలు కాపాడేందుకు LOC (లెటర్ ఆఫ్ క్రెడిట్) అనే పథకం సంజీవినిలా పని చేస్తుందని చాలా మందికి తెలీదు. బ్రెయిన్ స్ట్రోక్, గుండె పోటు, కిడ్నీ ఫెయిల్యూర్, నవజాత శిశువుల అనారోగ్యం వంటి వాటికి అత్యవసర చికిత్స కోసం ప్రాణాపాయ పరిస్థితుల్లో ఆస్పత్రిలో ఉన్న సమయంలోనే బాధితులకు ఈ సాయం అందుతుంది.
News December 8, 2025
సరసమైన ధరలున్నా.. BSNLవైపు మళ్లట్లేదు!
ప్రభుత్వ రంగ టెలికాం సంస్థ BSNL ఇటీవల రూ.485 ప్లాన్(72 రోజులు డైలీ 2GB డేటా) తీసుకొచ్చింది. ఇలాంటి ఎన్నో ప్లాన్స్ ఉన్నా యూజర్లు BSNLవైపు మళ్లట్లేదని టెలికాం రంగ నిపుణులు చెబుతున్నారు. ‘ప్రైవేట్ సంస్థలు 5G సేవలు అందిస్తుండగా BSNL ఇంకా 4Gకే పరిమితమైంది. డేటా స్పీడ్ తగ్గడం, కాల్ డ్రాప్స్, నెట్వర్క్ కవరేజ్ సమస్యల వల్లే ప్రైవేట్ సంస్థల వైపు వెళ్తున్నారు’ అని అభిప్రాయపడుతున్నారు. దీనిపై మీ కామెంట్?