News September 3, 2024
బద్ది పోచమ్మ ఆలయంలో భక్తుల రద్దీ
దక్షిణ కాశీగా పేరొందిన ప్రసిద్ధ పుణ్యక్షేత్రమైన సిరిసిల్ల జిల్లా వేములవాడ శ్రీ రాజ రాజేశ్వర స్వామి అనుబంధ దేవాలయమైన బద్దిపోచమ్మ ఆలయంలో మంగళవారం భక్తులు పోటెత్తారు. మంగళవారం సందర్భంగా బద్ది పోచమ్మ అమ్మవారికి బోనం సమర్పించేందుకు వేకువ జామున భక్తులు బారులు తీరారు. భక్తిశ్రద్ధలతో నైవేద్యం సమర్పించి అమ్మవారికి మొక్కులు చెల్లించుకున్నారు.
Similar News
News September 19, 2024
ఏకలవ్య మోడల్ స్కూల్లో స్వచ్ఛ ఆర్ట్ గ్యాలరీలో పాల్గొన్న బండి
స్వచ్ఛత ఈ సేవ కార్యక్రమంలో భాగంగా కొనరావుపేట మండలం మరిమడ్ల గ్రామంలో ఏకలవ్య మోడల్ స్కూల్లో గురువారం స్వచ్ఛ ఆర్ట్ గ్యాలరీ ఏర్పాటు చేశారు. ఈ గ్యాలరీలో పాఠశాల విద్యార్థులు తయారుచేసిన సింగిల్ యూస్ ప్లాస్టిక్, ప్లాస్టిక్ బాటిల్స్, పేపర్తో తయారు చేసిన వస్తువులను ప్రదర్శించారు. అనంతరం ప్రతిజ్ఞ చేశారు. స్కూలు ఆవరణలో కరీంనగర్ పార్లమెంటు సభ్యులు బండి సంజయ్ కుమార్ మొక్క నాటారు.
News September 19, 2024
పెద్దపెల్లి జిల్లాలో వ్యక్తి దారుణ హత్య
పెద్దపల్లి జిల్లాలో దారుణం చోటుచేసుకుంది. స్థానికుల ప్రకారం.. కొత్తపల్లి గ్రామంలో కలవెని రాజేశం అనే వ్యక్తిని గుర్తు తెలియని వ్యక్తులు కొత్తపల్లి-కొలనూరు మధ్యగల రహదారిపై గురువారం హత్య చేశారు. రాజేశం గతంలో రైల్వే శాఖలో పనిచేసి ఇటీవలే రిటైర్మెంట్ అయినట్లు సమాచారం. ఘటనా స్థలానికి పోలీసులు చేరుకొని దర్యాప్తు ప్రారంభించారు. పూర్తి వివరాలు తెలియాల్సి ఉంది.
News September 19, 2024
CP-5 ప్రాజెక్టులో నిలిచిపోయిన ఓవర్ బర్డెన్ పనులు
రామగుండం సింగరేణి సంస్థ OCP-5లో ఓవర్ బర్డెన్ వెలికి తీసే ఓ ప్రైవేట్ కంపెనీ పనులు ఎక్కడికక్కడ నిలిచిపోయాయి. గత రెండు రోజుల నుంచి భూ నిర్వాసితులకు పటేల్ కంపెనీలో 80% మంది స్థానికులకు ఉపాధి కల్పించాలని ఆందోళన చేపట్టి పనులను నిలిపివేశారు. దీంతో ప్రాజెక్టులో ఓబీ వెలికితీత పనులకు బ్రేక్ పడింది. ఈ సంఘటనపై సింగరేణి యాజమాన్యం స్పందించాలని భూనిర్వాసితులు కోరుతున్నారు.