News May 27, 2024
బాడిగ జయ చరిత్ర సృష్టించారు: నటి మంచు లక్ష్మి
కాలిఫోర్నియాలో న్యాయమూర్తిగా నియమితులైన విజయవాడకు చెందిన బాడిగ జయకు నటి మంచు లక్ష్మీ అభినందనలు తెలిపారు. తొలి తెలుగు మహిళగా జయ హద్దులు బద్దలు కొట్టి, చరిత్ర సృష్టించారని ‘x’లో పోస్ట్ చేశారు. ఆమె తన పదవీకాలాన్ని విజయవంతంగా పూర్తి చేసుకోవాలని ఆకాంక్షిస్తున్నట్లు నటి పేర్కొన్నారు. ఇటీవల కాలిఫోర్నియాలోని శాక్రమెంటో కౌంటీ సుపీరియర్ జడ్జిగా జయ ప్రమాణస్వీకారం చేసిన విషయం తెలిసిందే.
Similar News
News November 29, 2024
ఎన్టీఆర్, కృష్ణా జిల్లాలో రేపు 4,70,210 మందికి పింఛన్లు
ఎన్టీఆర్, కృష్ణా జిల్లాలో మొత్తంగా రేపు 4,70,210 మంది ఎన్టీఆర్ భరోసా పథకం కింద పింఛన్లు అందుకోనున్నారు. అధికారిక గణాంకాల ప్రకారం ఎన్టీఆర్ జిల్లాలో 2,31,961 మందికి రూ.97,939,00,00, కృష్ణా జిల్లాలో 2,38,249 మందికి రూ.1,01,09,08,500 డిసెంబర్ నెల పింఛన్ల కింద రాష్ట్ర ప్రభుత్వం అందించనుంది. ఈ మేరకు లబ్ధిదారుల ఇళ్ల వద్ద పింఛన్ నగదును పంపిణీ చేసేందుకు అధికారులు ఏర్పాట్లు చేశారు.
News November 29, 2024
కృష్ణా: రీ వాల్యుయేషన్ నోటిఫికేషన్ విడుదల
కృష్ణా యూనివర్సిటీ పరిధిలోని కాలేజీలలో సెప్టెంబర్ 2024లో నిర్వహించిన బీ-ఫార్మసీ 2వ సెమిస్టర్ పరీక్షల(2023- 24 విద్యా సంవత్సరం) రీ వాల్యుయేషన్ నోటిఫికేషన్ విడుదలైంది. ఈ మేరకు రీ వాల్యుయేషన్ కోరుకునే విద్యార్థులు డిసెంబర్ 4లోపు ఒక్కో పేపరుకు నిర్ణీత ఫీజు రూ.1,000 చెల్లించాల్సి ఉంటుందని వర్సిటీ తెలిపింది. ఫీజు చెల్లింపు వివరాలకై https://kru.ac.in/ అధికారిక వెబ్‌సైట్ చూడాలని సూచించింది.
News November 29, 2024
తొలిరోజే 100శాతం పెన్ష‌న్ల పంపిణీ: కలెక్టర్ ల‌క్ష్మీశ
డిసెంబర్ 1 ఆదివారం నేప‌థ్యంలో ముందు రోజే న‌వంబ‌ర్ 30న ఎన్టీఆర్ భరోసా పెన్ష‌న్ల పంపిణీకి ప్రభుత్వం ఏర్పాట్లు చేసింద‌ని కలెక్టర్ ల‌క్ష్మీశ అన్నారు. తొలిరోజే 100 శాతం పెన్ష‌న్ల పంపిణీకి అధికారులు, సిబ్బంది కృషిచేయాలని ఆదేశించారు.శుక్రవారం కలెక్టర్ టెలి కాన్ఫరెన్స్ కార్యక్రమంలో పంపిణీ ప్ర‌క్రియ‌ను విజయవంతంగా పూర్తిచేసేలా అధికారులకు దిశా నిర్దేశం చేశారు.