News August 13, 2024
బాన్సువాడలో ఉపఎన్నిక ఖాయం: KTR
బాన్సువాడ నియోజకవర్గంలో ఉప ఎన్నికలు ఖాయమని BRS వర్కింగ్ ప్రెసిడెంట్ కేటీఆర్ అన్నారు. బాన్సువాడ నియోజకవర్గానికి సంబంధించిన పార్టీ శ్రేణులు మంగళవారం కేటీఆర్‌ను కలిశారు. పార్టీని మోసం చేసి నాయకులు వెళ్లిపోయినప్పటికీ కార్యకర్తలు మాత్రం పార్టీ వీడలేదని బీఆర్ఎస్‌కు కార్యకర్తలే కొండంత అండ అని ఈ సందర్భంగా కేటీఆర్ అన్నారు. పార్టీ మారిన పోచారంను ప్రజలు కచ్చితంగా బుద్ధి చెప్తారని ధీమా వ్యక్తం చేశారు.
Similar News
News November 29, 2025
బలవంతంగా ఏకగ్రీవం చేస్తే చర్యలు: వినయ్ కృష్ణారెడ్డి
స్థానిక సంస్థల ఎన్నికల్లో ఎవరైనా బలవంతపు ఏకగ్రీవాలకు ప్రయత్నిస్తే కఠిన చర్యలు తప్పవని జిల్లా ఎన్నికల అధికారి, కలెక్టర్ టి.వినయ్ కృష్ణారెడ్డి హెచ్చరించారు. ఈ మేరకు రాష్ట్ర ఎన్నికల సంఘం నూతన మార్గదర్శకాలు జారీ చేసిందని తెలిపారు. సమష్టి నిర్ణయంతో ఏకగ్రీవంగా ఎన్నుకుంటే అది ఆహ్వానించదగ్గ పరిణామం అని ఆయన స్పష్టం చేశారు.
News November 29, 2025
NZB: GP ఎన్నికల్లో కాంగ్రెస్ జెండా ఎగురుతుంది: DCC అధ్యక్షుడు
జిల్లాలో జరగే గ్రామ పంచాయతీ ఎన్నికల్లో కాంగ్రెస్ బలపరిచే అభ్యర్థులు విజయం సాధిస్తారని NZB DCC అధ్యక్షుడు కాటిపల్లి నగేష్ రెడ్డి ధీమా వ్యక్తం చేశారు. శనివారం ఆయన మీడియా సమావేశంలో మాట్లాడారు. కాంగ్రెస్ చేపడుతున్న అభివృద్ధి పనులే సర్పంచి ఎన్నికల్లో ప్రజలు తమ పార్టీ పక్షాన నిలబడతారన్నారు. పార్టీ శ్రేణులు కష్టపడి పని చేసి అన్ని GPల్లో కాంగ్రెస్ జెండా ఎగరవేయడానికి కృషి చేయాలని పిలుపునిచ్చారు.
News November 29, 2025
NZB: మరణించిన 12 ఏళ్ల తర్వాత రూ.9.42 లక్షల పరిహారం
2013లో ప్రమాదవశాత్తు మరణించిన డిగ్రీ విద్యార్థి కుటుంబానికి ఎట్టకేలకు తెలంగాణ ప్రభుత్వం నుంచి ఉపశమనం లభించింది. భైంసాకు చెందిన చంద్రకాంత్ 12 సంవత్సరాల క్రితం NZBలోని BC హాస్టల్‌లోని 4వ అంతస్తు నుంచి పడిపోయాడు. తండ్రి పరుశురామ్ పరిహారం కోసం కోర్టులకు వెళ్లగా బాధిత కుటుంబానికి అనుకూలంగా హైకోర్టు తీర్పు ఇచ్చింది. బీసీ సంక్షేమ శాఖ రూ.9.42 లక్షలు పరిహారం చెల్లించాలని ఆదేశించింది.