News October 19, 2024
బాన్సువాడ: కొడుకును వాగులో తోసేశానన్న తండ్రి.. ఆందోళనలో తల్లి
బాన్సువాడ మండలం దేశాయిపేటకు చెందిన రాములు తన కొడుకు పండరి (14) ను వాగులో తోసేసినట్లు భార్య గంగమణితో పేర్కొన్నాడు. కాగా ఆమె వాగు వద్దకు వెళ్లి చూడగా అక్కడ ఎలాంటి ఆనవాళ్లు కనపడలేదు. దీంతో ఆమె తన భర్తపై పోలీసులకు ఫిర్యాదు చేసింది. పోలీసులు భర్తను విచారించగా పొంతన లేని సమాధానాలు చెబుతున్నట్లు తెలిసింది. కొడుకును దాచి పెట్టాడా..? లేక నిజంగానే వాగులో పడేశాడా..? అనేది తెలియాల్సి ఉంది.
Similar News
News November 29, 2025
NZB: GP ఎన్నికల్లో కాంగ్రెస్ జెండా ఎగురుతుంది: DCC అధ్యక్షుడు
జిల్లాలో జరగే గ్రామ పంచాయతీ ఎన్నికల్లో కాంగ్రెస్ బలపరిచే అభ్యర్థులు విజయం సాధిస్తారని NZB DCC అధ్యక్షుడు కాటిపల్లి నగేష్ రెడ్డి ధీమా వ్యక్తం చేశారు. శనివారం ఆయన మీడియా సమావేశంలో మాట్లాడారు. కాంగ్రెస్ చేపడుతున్న అభివృద్ధి పనులే సర్పంచి ఎన్నికల్లో ప్రజలు తమ పార్టీ పక్షాన నిలబడతారన్నారు. పార్టీ శ్రేణులు కష్టపడి పని చేసి అన్ని GPల్లో కాంగ్రెస్ జెండా ఎగరవేయడానికి కృషి చేయాలని పిలుపునిచ్చారు.
News November 29, 2025
NZB: మరణించిన 12 ఏళ్ల తర్వాత రూ.9.42 లక్షల పరిహారం
2013లో ప్రమాదవశాత్తు మరణించిన డిగ్రీ విద్యార్థి కుటుంబానికి ఎట్టకేలకు తెలంగాణ ప్రభుత్వం నుంచి ఉపశమనం లభించింది. భైంసాకు చెందిన చంద్రకాంత్ 12 సంవత్సరాల క్రితం NZBలోని BC హాస్టల్‌లోని 4వ అంతస్తు నుంచి పడిపోయాడు. తండ్రి పరుశురామ్ పరిహారం కోసం కోర్టులకు వెళ్లగా బాధిత కుటుంబానికి అనుకూలంగా హైకోర్టు తీర్పు ఇచ్చింది. బీసీ సంక్షేమ శాఖ రూ.9.42 లక్షలు పరిహారం చెల్లించాలని ఆదేశించింది.
News November 29, 2025
NZB: మొదటి విడత నామినేషన్లకు నేడే ముగింపు
గ్రామ పంచాయతీ ఎన్నికల మొదటి విడత పోరులో నామినేషన్ల స్వీకరణకు శనివారం సాయంత్రం 5 గంటలతో గడువు ముగియనుంది. జిల్లాలో మొదటి విడతలో బోధన్ డివిజన్‌లోని 184 జీపీలు, 1,642 వార్డు స్థానాలకు పోటీ జరగనుంది. దీనికి సంబంధించి రెండు రోజుల్లో సర్పంచ్ స్థానాలకు 304, వార్డు స్థానాలకు 382 నామినేషన్లు వచ్చాయి. నేడు నామినేషన్ల స్వీకరణ గడువు ముగియనున్న క్రమంలో భారీగా దరఖాస్తులు వచ్చే అవకాశాలు ఉన్నాయి.