News February 1, 2025
బాపట్ల: గాయపడిన వారిని ఆసుపత్రిలో చేర్పిస్తే బహుమతి

రోడ్డు ప్రమాదంలో గాయపడిన వారిని వైద్యశాలలో చేర్పిస్తే కేంద్ర ప్రభుత్వం రూ.5000 బహుమతి అందజేస్తుందని బాపట్ల మోటార్ వాహన తనిఖీ అధికారి ప్రసన్నకుమారి చెప్పారు. రహదారి భద్రత మహోత్సవాలలో భాగంగా శనివారం బాపట్ల ప్రభుత్వ వైద్యశాలలో అవగాహన కార్యక్రమం నిర్వహించారు. రోడ్డు ప్రమాదాల్లో మరణాలను నియంత్రించేందుకు కేంద్ర ప్రభుత్వం ‘గుడ్ సమారిటన్’ అనే పథకాన్ని ప్రవేశపెట్టిందన్నారు.
Similar News
News November 29, 2025
వరంగల్: ఆ జీపీని చూసేందుకు ప్రపంచ దేశాలు పోటీపడతాయ్!

గ్రామాన్ని సందర్శించేందుకు ప్రపంచంలోని దేశాలు పోటీ పడతాయంటే నమ్ముతారా? అవును. ఇది నిజమే, వరంగల్ జిల్లా గీసుకొండ మండలంలోని గంగదేవిపల్లి గ్రామాన్ని చూసేందుకు వివిధ దేశాలు, మనదేశంలోని రాష్ట్రాలు పోటీ పడతాయి. గ్రామ పాలనలో మహిళల పాత్ర ముఖ్యంగా ఉండటం, ప్రజాప్రతినిధులుగా కొన్నేళ్లపాటు మహిళలే నడిపించడంతో ఆదర్శ గ్రామంగా నిలిచింది. ఈసారి జనరల్ మహిళకు కేటాయించడంతో గ్రామ సర్పంచ్ ఎన్నిక ఎలా ఉంటుందో చూడాలి.
News November 29, 2025
ఖమ్మం, భద్రాద్రి జిల్లాల్లో పంచాయతీ ఎన్నికలు.. NOC మస్ట్

ఉమ్మడి ఖమ్మం జిల్లాలో జరగనున్న గ్రామ పంచాయతీ ఎన్నికలకు నామినేషన్లు దాఖలు చేసే అభ్యర్థులకు పన్ను బకాయిలు ఉండకూడదనే నిబంధనను అధికారులు విధించారు. దీంతో సర్పంచ్, వార్డు సభ్యుల ఆశావహులు తమ నామినేషన్లు తిరస్కరణకు గురి కాకుండా ఉండేందుకు జాగ్రత్త పడుతున్నారు. వీరు హడావుడిగా తమ ఇంటి, నీటి పన్నులు చెల్లించి, సంబంధిత అధికారుల నుంచి నో డ్యూస్ సర్టిఫికెట్ (NOC), రసీదులను తీసుకునే పనిలో నిమగ్నమయ్యారు.
News November 29, 2025
గుళ్లపల్లి: విద్యార్థుల మధ్య ఘర్షణ.. పోలీసుల రంగ ప్రవేశం

గుళ్ళపల్లి జడ్పీ హైస్కూల్లో నిన్న ఇద్దరు విద్యార్థులు మధ్య జరిగిన ఘర్షణ తీవ్రమైంది. ఇరు గ్రామాల యువకులు, విద్యార్థులు తల్లిదండ్రులు పోటాపోటీగా స్కూల్ వద్దకు వచ్చి ఛాలెంజ్లు చేసుకోవడంతో ఉద్రిక్తత నెలకొంది. దీంతో పోలీసులు రంగ ప్రవేశం చేశారు. విద్యార్థులు, తల్లిదండ్రులకు పోలీసులు కౌన్సిలింగ్ ఇచ్చి పాఠశాల దశలో ఘర్షణలకు వెళితే జరిగే అనర్ధాల గురించి వివరించారు. అనంతరం గొడవ సర్దుమణిగింది.


