News April 14, 2025
బాపట్ల: నేడు పీజీఆర్ఎస్ కార్యక్రమం రద్దు- కలెక్టర్
బాపట్ల జిల్లా కలెక్టరేట్‌లో ప్రతి సోమవారం నిర్వహించే ప్రజా సమస్యల పరిష్కార వేదిక కార్యక్రమం సోమవారం తాత్కాలికంగా రద్దు చేసినట్లు బాపట్ల జిల్లా కలెక్టర్ వెంకట మురళి ఆదివారం ఓ ప్రకటనలో తెలిపారు. అంబేడ్కర్ జయంతి పురస్కరించుకొని పీజీఆర్ఎస్ కార్యక్రమం రద్దు చేస్తున్నట్లు ప్రకటించారు. జిల్లాలోని ప్రజలు ఈ విషయాన్ని గమనించి అర్జీలు అందజేసేందుకు కలెక్టరేట్ కార్యాలయానికి రావద్దని సూచించారు.
Similar News
News September 19, 2025
GWL: మావోయిస్ట్ మహిళా నేతకు స్థానిక సర్టిఫికెట్
మోస్ట్ వాంటెడ్ మావోయిస్టు నేత పోతుల కల్పన @ సుజాతకు గురువారం గట్టు రెవెన్యూ ఆఫీసర్లు నేటివ్ సర్టిఫికెట్ ఇచ్చారు. ఆమె కుటుంబ సభ్యులు దరఖాస్తు చేసుకోగా ఆఫీసర్లు ఎంక్వయిరీ చేశారు. ఆమె 6వ తరగతి వరకు అయిజ, ఇంటర్ గద్వాలలో చదువుకున్నట్లు నిర్ధారించారు. గట్టు మండలం పెంచికలపాడు తిమ్మారెడ్డి, వెంకమ్మల కుమార్తెగా నిర్ధారించి సర్టిఫికెట్ అందజేశారు. కాగా ఆమె ఈనెల 13న హైదరాబాద్ పోలీసుల ఎదుట లొంగిపోయారు.
News September 19, 2025
దసరా సెలవులు.. స్కూళ్లు, కాలేజీలకు హెచ్చరిక
TG: దసరా సెలవుల్లో ప్రైవేట్ స్కూళ్లు, కాలేజీల్లో ఎలాంటి తరగతులు నిర్వహించవద్దని ప్రభుత్వం ఆదేశాలు జారీ చేసింది. ఇందుకు విరుద్ధంగా వ్యవహరిస్తే కఠిన చర్యలు తీసుకుంటామని హెచ్చరించింది. సెలవుల్లో రివిజన్ కోసం విద్యార్థులకు కొంత హోమ్ వర్క్ ఇవ్వాలని సూచించింది. రాష్ట్ర వ్యాప్తంగా ప్రభుత్వ, ప్రైవేట్ స్కూళ్లకు ఈ నెల 21 నుంచి అక్టోబర్ 3 వరకు, జూ.కాలేజీలకు ఈ నెల 28 నుంచి అక్టోబర్ 5 వరకు సెలవులు ఉండనున్నాయి.
News September 19, 2025
NLG: వ్యవసాయాధికారిని సస్పెండ్ చేసిన కలెక్టర్
నిడమనూరు మండల వ్యవసాయ అధికారి ముని కృష్ణయ్యను జిల్లా కలెక్టర్ ఇలా త్రిపాఠి సస్పెండ్ చేశారు. యూరియా కోసం రైతులు గురువారం నిడమనూరులో 2 గంటలకు పైగా కోదాడ – జడ్చర్ల జాతీయ రహదారిపై రాస్తారోకో నిర్వహించారు. సుమారు 2 కిలోమీటర్ల మేర వాహనాలు నిలిచిపోయాయి. రాస్తారోకో సమయంలో వ్యవసాయాధికారి స్థానికంగా అందుబాటులో లేడన్న విషయం తెలుసుకున్న కలెక్టర్ సస్పెండ్ చేస్తూ ఉత్తర్వులు జారీ చేశారు.