News April 16, 2025
బాపట్ల: బెట్టింగ్ నిర్వహణపై కఠినంగా వ్యవహరిస్తాం: ఎస్పీ
ఐపీఎల్ క్రికెట్ మ్యాచ్లు నిర్వహిస్తున్న నేపథ్యంలో బాపట్ల జిల్లా పోలీసు అధికారులు హోటల్స్, లాడ్జీలు, రిసార్ట్స్, దాబాలు, రెస్టారెంట్లపై ఆకస్మిక తనిఖీలు నిర్వహించారు. ఈ నేపథ్యంలో మంగళవారం ఎస్పీ తుషార్ డూడి మాట్లాడుతూ.. బెట్టింగ్కు తావులేని జిల్లాగా బాపట్లను మార్చేందుకు ఇది భాగమని పేర్కొన్నారు. అసాంఘిక కార్యకలాపాలకు హోటల్స్ వంటి ప్రదేశాలను వేదికగా చేసుకునే వారిని ఉపేక్షించేది లేదని హెచ్చరించారు.
Similar News
News December 13, 2025
తిరుపతి: కొత్తగా 1,251 ఉద్యోగాలు.!
నాయుడుపేటలోని MP SEZలో PCB తయారీ యూనిట్ ఏర్పాటుకు CIPSA TEC India Pvt Ltdకు ప్రభుత్వం అనుమతి ఇచ్చింది. ఇందుకోసం 20 ఎకరాల భూమిని 75% రాయితీతో ఆ సంస్థకు కేటాయించింది. రూ.1,140 కోట్ల పెట్టుబడితో రానున్న ఈ ప్రాజెక్టుతో ద్వారా 1,251 మందికి ఉద్యోగాలు వచ్చే అవకాశం ఉంది. ఇది ఎలక్ట్రానిక్స్ కాంపోనెంట్ మానుఫ్యాక్చరింగ్ పాలసీ 4.0 కింద తొలి 10 ప్రాజెక్టుల్లో ఒకటిగా నిలిచి ప్రోత్సాహకాలను అందుకోనుంది.
News December 13, 2025
జుట్టుకు బలాన్నిచ్చే విటమిన్లివే..!
ప్రస్తుతకాలంలో కాలుష్యం, వాతావరణ మార్పుల వల్ల చాలామంది హెయిర్ ఫాల్తో బాధపడుతున్నారు. ఇలా కాకుండా ఉండాలంటే ఆహారంలో ఈ విటమిన్లుండేలా చూసుకోవాలంటున్నారు నిపుణులు. విటమిన్ బి7, విటమిన్ డి, ఐరన్, జింక్, విటమిన్ ఈ, ఒమేగా 3 ఫ్యాటీ యాసిడ్లు, విటమిన్ ఏ ఆహారంలో చేర్చుకోవాలి. వీటితో పాటు జీవనశైలి మార్పులు, వ్యాయామం, తగినంత నీరు తాగడం వంటివి చేస్తే పట్టులాంటి జుట్టు సొంతమవుతుందంటున్నారు.
News December 13, 2025
పాలమూరు: పదవి ఒకరిది.. పెత్తనం మరొకరిది..!
మహబూబ్నగర్ జిల్లాలో గురువారం మొదటి విడత గ్రామపంచాయతీ ఎన్నికలు జరిగాయి. రిజర్వేషన్ల కారణంగా అధిక శాతం మహిళలే గెలుపొందారు. ఈసారి గ్రామపంచాయతీ ఎన్నికల్లో ఎలాంటి అనుభవం లేని మహిళలు.. నిరక్షరాస్యులైన కొత్త వాళ్లు వార్డు సభ్యులు, సర్పంచ్గా గెలుపొందారు. వీరి పదవి అలంకారప్రాయమైన.. పెత్తనం మాత్రం భర్త, కుమారులది కొనసాగనుంది.