News March 5, 2025
బాలుడి వేదనకు స్పందించిన వనపర్తి ఎస్పీ
ఇబ్బందుల్లో ఉన్న బాలుడిని పోలీసు హృదయం ప్రేమతో ఆదరించి అక్కున చేర్చుకున్న ఘటన వనపర్తిలో జరిగింది. పెబ్బేరు మండలం సూగూరుకు చెందిన గొల్ల నరసింహ, వనిత కొడుకు(9)ను(వనిత మృతి) సవతి తల్లి ఇబ్బందులకు గురి చేసేంది. దీంతో బాలుడు ఆ బాధలు భరించలేక బంధువుల సాయంతో జిల్లా ఎస్పీ గిరిధర్‌ని కలిశాడు. విషయం తెలుసుకున్న ఎస్పీ బాలుడిని చేరదీసి భద్రతకు భరోసా కల్పించారు. ఏదైనా పాఠశాలలో చేర్పిస్తామని ఎస్పీ హామీ ఇచ్చారు.
Similar News
News November 2, 2025
అక్రమ అరెస్ట్.. ఏ పరీక్షకైనా సిద్ధం: జోగి రాజీవ్
కల్తీ మద్యం కేసులో తన తండ్రి మాజీ మంత్రి వైసీపీ నేత జోగి రమేష్‌ను అక్రమంగా అరెస్టు చేశారని రాజీవ్ ఆరోపించారు. తన తండ్రి ఏ తప్పు చేయలేదని, దుర్గమ్మ తల్లి సాక్షిగా ప్రమాణం కూడా చేశామని, అయినా కూడా ప్రభుత్వం కక్ష సాధింపు చర్యలు చేస్తోందని అన్నారు. ఈ కేసును సీబీఐకి అప్పగించాలని, అవసరమైతే నార్కోటిక్ వంటి పరీక్షలకైనా సిద్ధమని జోగి రాజీవ్ సవాల్ విసిరారు.
News November 2, 2025
జూబ్లీహిల్స్‌లో కాంగ్రెస్‌కు విజయావకాశాలు: Lok Poll సర్వే
TG: జూబ్లీహిల్స్ ఉపఎన్నికలో కాంగ్రెస్ పార్టీకే విజయావకాశాలు ఉన్నాయని Lok Poll సర్వే తెలిపింది. 3,100 మందిపై సర్వే చేయగా 44% మంది కాంగ్రెస్‌కు అనుకూలంగా ఉన్నారని పేర్కొంది. బీఆర్ఎస్‌కు 38శాతం, బీజేపీ 15శాతం, ఇతరులు 3శాతం ప్రభావం చూపుతారని వెల్లడించింది. నిన్న విడుదలైన <<18171588>>కేకే సర్వేలో<<>> బీఆర్ఎస్‌కు గెలుపు అవకాశాలు ఉన్నాయని తెలిపింది. ఉపఎన్నిక ఈ నెల 11న జరగనుంది.
News November 2, 2025
NLG: నజరానా ఇస్తాం.. షాపు ఇస్తారా?!
నల్గొండ జిల్లాలో నూతన మద్యం దుకాణాల కేటాయింపు పూర్తి కావడంతో కొత్తగా మద్యం షాపులు దక్కించుకున్న వారికి వ్యాపారులు బంపర్ ఆఫర్ చేస్తున్నారు. నజరానా ఇస్తాం.. షాపు ఇస్తారా.. అంటూ ప్రలోభపెడుతున్నారు. ఈసారి టెండర్లలో పాత మద్యం వ్యాపారులకు దురదృష్టం, కొత్త వారికి అదృష్టం కలిసి వచ్చింది. జిల్లాలో 154 మద్యం దుకాణాలకు 4906 దరఖాస్తులు వచ్చిన విషయం విధితమే.