News March 17, 2025
బీసీ రిజర్వేషన్ బిల్లుకు అన్ని పార్టీల మద్దతు కూడగట్టాలి:మంత్రి పొన్నం
బీసీలకు స్థానిక సంస్థల్లో, విద్య, ఉద్యోగాల్లో 42 శాతం రిజర్వేషన్లు పెంచుతూ శాసనసభలో బిల్లు ప్రవేశపెట్టనుండడంతో బిల్లుకు అన్ని పార్టీల మద్దతు కూడాగట్టాలని మంత్రి పొన్నం ప్రభాకర్ అన్నారు. ఈ విషయమై కాంగ్రెస్ పార్టీ బీసీ ఎమ్మెల్యేలతో మంత్రి సమావేశం నిర్వహించారు. మొదటిసారి చారిత్రాత్మక బీసీ రిజర్వేషన్ పెంచుతూ బిల్లు ప్రవేశ పెట్టడం జరుగుతుందన్నారు. మంత్రి కొండ సురేఖ, విప్ ఆది శ్రీనివాస్ పాల్గొన్నారు.
Similar News
News November 30, 2025
నర్వ: భూగర్భ జల వినియోగాలు తగ్గించాలి: నీతి అయోగ్
నర్వ మండలంలో భూగర్భ జల వినియోగాన్ని తగ్గించాలని నీతి అయోగ్ సూచించినట్లు నర్వ ఎంపీడీవో శ్రీనివాసరావు తెలిపారు. నీటి వినియోగం తక్కువైనా భూగర్భ జలాలపై ఆధారపడి సాగునీటికై 70 శాతం భూగర్భ జలాలు, 30% చిన్న మధ్య తరహా సాగునీటి ప్రాజెక్టుల ద్వారా నీటి వినియోగం జరుగుతుందన్నారు. 57 గ్రామీణ ప్రాంతాల్లో జలజీవన్ కింద మంచినీటి సరఫరా జరుగుతుందని నీతి అయోగ్ సూచించిందన్నారు. ఉపరీతల జలాలను అధికంగా ఉపయోగించాలన్నారు.
News November 30, 2025
హనుమకొండ బీజేపీ ఇన్‌ఛార్జిగా బూర నర్సయ్య గౌడ్
తెలంగాణ రాష్ట్ర వ్యాప్తంగా వివిధ జిల్లాలకు బీజేపీ ఇన్‌ఛార్జిలను నియమించారు. హనుమకొండ జిల్లా ఇన్‌ఛార్జిగా బూర నర్సయ్య గౌడ్ నియమితులయ్యారు. సంస్థాగత ఎన్నికలు, జిల్లాలో పార్టీ కార్యక్రమాల పర్యవేక్షణ దృష్టిలో ఉంచుకుని ఈ నియామకం జరిగింది. హనుమకొండ జిల్లాకు చెందిన పలువురు నేతలు నర్సయ్య గౌడ్‌ను కలిసి శుభాకాంక్షలు తెలిపారు.
News November 30, 2025
NZB: ఆరు నెలల్లో 352 ఫిర్యాదులు
నిజామాబాద్ పోలీస్ కమిషనర్ కార్యాలయంలో ఆరు నెలలుగా నిర్వహించిన ప్రజావాణి కార్యక్రమంలో 352 ఫిర్యాదులను స్వీకరించినట్లు సీపీ సాయి చైతన్య ఆదివారం తెలిపారు. ప్రతి సోమవారం నిర్వహించిన ప్రజావాణిలో భాగంగా జిల్లా వ్యాప్తంగా ప్రజలు కమిషనర్ కార్యాలయానికి వచ్చి తమ ఫిర్యాదులను సీపీకి అందజేశారు. అయితే సమస్యలు పరిష్కరించాలని సంబంధిత పోలీస్ స్టేషన్ సీఐ, ఎస్ఐలకు ఆదేశాలు జారీ చేశారు.