News February 1, 2025
బెల్లంపల్లి: బుగ్గగూడెం నుంచి పెద్దనపల్లికి వచ్చిన పెద్దపులి
బెల్లంపల్లి పట్టణం స్టేషన్ ఏరియా పెద్దనపల్లి పెద్దమ్మతల్లి గుడి పరిసర ప్రాంతాల్లో శుక్రవారం మధ్యాహ్నం పెద్దపులి సంచరించినట్లు స్థానికులు తెలిపారు. ఈ మేరకు అటవీశాఖాధికారి పూర్ణచందర్, కాసిపేట ఎస్సై ప్రవీణ్ కుమార్ ఆధ్వర్యంలో పోలీస్ సిబ్బంది పరిసరాలను పరిశీలించారు. ఆయన మాట్లాడుతూ.. స్టేషన్ ఏరియాలోని ప్రజలందరూ అప్రమత్తంగా ఉండాలని హెచ్చరించారు. బుగ్గగూడెం నుంచి పెద్దనపల్లి ఏరియాలో సంచరిస్తుందన్నారు.
Similar News
News December 6, 2025
విశాఖ జైలంతా గంజాయి ఖైదీలే..!
విశాఖ కేంద్ర కారాగారం ఖైదీలతో నిండుతోంది. ఇక్కడ సామర్థ్యం 914 మంది కాగా, ప్రస్తుతం 1,724 మంది ఖైదీలున్నారు. వీరిలో గంజాయి కేసులో శిక్ష పడినవారు, విచారణ ఖైదీలు 1,100 మంది ఉన్నారు. సామర్థ్యానికి మించి రెట్టింపు ఖైదీలు ఉండటంతో పర్యవేక్షణ, వసతుల కల్పన అధికారులకు సవాలుగా మారింది. ఉమ్మడి విశాఖలోని గంజాయి కేసులను ఒకే న్యాయమూర్తి విచారిస్తుండటంతో ఖైదీల సంఖ్య పెరగడానికి కారణమని తెలుస్తోంది.
News December 6, 2025
రకాలను బట్టి గ్రేడ్లు నిర్ణయించాలి: ITDA PO
కాఫీ పండ్ల నాణ్యతను బట్టి స్పష్టమైన గ్రేడ్లను నిర్ణయించాలని సంబంధిత అధికారులను పాడేరు ITDA PO తిరుమణి శ్రీ పూజ ఆదేశించారు. శనివారం చింతపల్లి ఎకో పల్పింగ్ యూనిట్ను ఆమె అకస్మికంగా సందర్శించారు. పరిశీలనలో భాగంగా కాఫీ పండ్లు, పార్చ్మెంట్తో పాటు డ్రాయింగ్ యార్డ్స్ను ఆమె పరిశీలించారు. పండ్ల గ్రేడ్కు అనుగుణంగా పార్చ్మెంట్, డ్రాయింగ్ ప్రక్రియను ఖచ్చితంగా అమలు చేయాలని సూచించారు.
News December 6, 2025
కాకినాడ టీడీపీలో ఏం జరుగుతోంది..?
కాకినాడ టీడీపీలో ఏం జరుగుతోందని క్యాడర్ ఆందోళన చెందుతోంది. సిటీ ఎమ్మెల్యే కొండబాబు హవాకు సొంత కూటమిలోనే బ్రేకులు పడుతున్నాయని తమ్ముళ్లు చర్చించుకుంటున్నారు. తాజాగా కమిషనర్ నియామకంలో ఎమ్మెల్యే సిఫార్సు చేసిన వర్మను కాదని ఎంపీ సానా సతీశ్, ఎమ్మెల్సీ పద్మశ్రీ చక్రం తిప్పి సత్యనారాయణను తేవడం హాట్ టాపిక్ అయ్యింది. ఎంపీ వర్గం పైచేయి సాధించడంతో.. ఎమ్మెల్యే పరిస్థితి ఏంటని క్యాడర్ గుసగుసలాడుకుంటోంది.