News March 28, 2025
బెల్లంపల్లి: భార్యకు వేరే పెళ్లి.. భర్త ఆత్మహత్య
బెల్లంపల్లి హనుమాన్ బస్తీకి చెందిన మంతెన శివకుమార్ ఆత్మహత్య చేసుకున్న విషయం తెలిసిందే. 1-టౌన్ సీఐ దేవయ్య వివరాలు.. శివకుమార్‌కు 8 సంవత్సరాల క్రితం ప్రేమ వివాహం జరిగింది. HYDలో క్యాబ్ డ్రైవర్‌గా పనిచేస్తున్న సమయంలో యాక్సిడెంట్ కాగా కాలు విరిగింది. దీంతో అతని వదిలి భార్య వేరే పెళ్లి చేసుకుంది. దీంతో జీవితం మీద విరక్తితో ఆత్మహత్య చేసుకున్నట్లు ఆయన తల్లి ఫిర్యాదు మేరకు కేసు నమోదైంది.
Similar News
News November 29, 2025
కృష్ణా: మైనర్‌తో చోరీలు.. గంజాయి గ్యాంగ్ అరెస్ట్
ఉమ్మడి కృష్ణా, విశాఖ, కాకినాడ, తెలంగాణాలో 14 బైక్‌లు చోరీ చేసిన తాడిగడపకు చెందిన భాను ప్రకాష్‌ను సీసీఎస్‌ పోలీసులు శుక్రవారం అరెస్టు చేశారు. మైనర్‌తో కలిసి చోరీలు చేస్తున్న ఇతన్ని విచారించగా నేరం అంగీకరించాడు. మరో ఐదుగురు గంజాయి విక్రేతలను అరెస్టు చేసి, వారి వద్ద నుంచి 5 కిలోల గంజాయి, రూ.12 లక్షల నగదు స్వాధీనం చేసుకున్నట్లు ఏడీసీపీ రాజారావు తెలిపారు.
News November 29, 2025
తుఫాన్‌ను ఎదుర్కొనేందుకు సిద్ధం: బాపట్ల కలెక్టర్
తుఫాను హెచ్చరికల నేపథ్యంలో రైతులకు ఎటువంటి ఇబ్బందులు లేకుండా అన్ని చర్యలు తీసుకుంటున్నామని కలెక్టర్ వినోద్ కుమార్ అన్నారు. శుక్రవారం రాత్రి చెరుకుపల్లి ఎంపీడీవో కార్యాలయంలో జిల్లా అధికారులతో వీక్షణ సమావేశం నిర్వహించారు. ధాన్యం కొనుగోలులో రైతులకు ఎటువంటి ఇబ్బందులు లేకుండా చూస్తున్నామన్నారు. జిల్లాకు 1000 టార్పలిన్ పట్టాలు వచ్చాయని అన్నారు. తుఫాన్‌ను ఎదుర్కొనేందుకు సిద్ధంగా ఉన్నామన్నారు.
News November 29, 2025
ఘోర రోడ్డు ప్రమాదం.. ఐదుగురు మృతి
AP: కర్నూలు జిల్లాలో జరిగిన ఘోర రోడ్డు ప్రమాదంలో ఐదుగురు మరణించారు. కర్ణాటకకు చెందిన ఓ కారు ఎమ్మిగనూరు నుంచి బెంగళూరు వెళ్తుండగా కోటేకల్ కొండ మలుపు వద్ద ఆదోని నుంచి వస్తున్న మరో కారు ఢీకొట్టింది. ఈ ప్రమాదంలో ఇద్దరు చిన్నారులు సహా ఐదుగురు అక్కడికక్కడే చనిపోయారు. మృతుల వివరాలు తెలియాల్సి ఉంది. ఇటీవల కర్నూలు జిల్లాలోనే ప్రైవేటు ట్రావెల్స్ బస్సు దగ్ధమై 19 మంది మరణించిన విషయం తెలిసిందే.