News June 11, 2024
బొబ్బిలి: బైక్‌తో డివైడర్‌ను ఢీకొని యువకుడి మృతి
బైక్ అదుపు తప్పి వంతెన డివైడర్‌ను ఢీకొనడంతో వ్యక్తి మృతిచెందిన ఘటన బొబ్బిలిలో చోటుచేసుకుంది. బొబ్బిలిలోని స్వామివారి వీధికి చెందిన జగదీశ్వరరావు (30) ఆదివారం రాత్రి ఇంటికి వస్తుండగా ఫ్లైఓవర్‌పై బైక్ అదుపుతప్పి వంతెన డివైడర్‌ను బలంగా ఢీకొంది. ప్రమాదంలో తీవ్రంగా గాయపడిన జగదీశ్‌‌కు ప్రథమచికిత్స అందించి మెరుగైన వైద్యం కోసం విజయనగరం తీసుకెళ్తుండగా మార్గంమధ్యలో మృతి చెందాడు.
Similar News
News October 26, 2025
VZM: జిల్లాలో కంట్రోల్ రూమ్‌లు ఏర్పాటు
తుఫాన్ నేపథ్యంలో జిల్లా వ్యాప్తంగా కంట్రోల్ రూములను ఏర్పాటు చేసినట్లు కలెక్టర్ రాంసుందర్ రెడ్డి తెలిపారు.
కలెక్టర్ ఆఫీస్: 08922-236947, 8523876706
VZM రెవెన్యూ డివిజినల్ ఆఫీస్: 8885893515
చీపురుపల్లి రెవెన్యూ డివిజనల్ ఆఫీస్: 9704995807
బొబ్బిలి రెవెన్యూ డివిజనల్ ఆఫీస్: 9989369511
విజయనగరం మున్సిపల్ కార్పొరేషన్: 9849906486
AP EPDCL: 9490610102
టోల్ ఫ్రీ నంబర్ 1912ని సంప్రదించాలన్నారు.
News October 25, 2025
VZM: ఒకేచోట ఆధ్యాత్మికత.. పర్యాటకం
విజయనగరం మండలం సారిక గ్రామంలోని కాళీమాత దేవాలయం, రామబాణం ఆకారంలో ఉన్న రామనారాయణం దేవాలయం పక్కనే ఉండటంతో ఆధ్యాత్మిక సందర్శకుల కేంద్రంగా మారింది. కార్తీక మాసంలో భక్తులు ఒకేసారి రెండు పుణ్య క్షేత్రాలను దర్శించుకునే అరుదైన అవకాశం లభిస్తోంది. దీంతో ఈ ప్రాంతం ఆధ్యాత్మిక పర్యాటక కేంద్రంగా విరాజిల్లుతోంది. భక్తులు కాళీమాత ఆశీస్సులు, శ్రీరామచంద్రుడి కృప ఒకే చోట పొందుతున్నారు.
News October 24, 2025
VZM: స్త్రీ నిధి ఋణం వాయిదాలపై అవగాహన వాల్ పోస్టర్ల ఆవిష్కరణ
మహిళల ఆర్థిక సాధికారత కోసం ప్రభుత్వం చేపట్టిన ముఖ్య కార్యక్రమాల్లో భాగంగా స్త్రీ నిధి ఋణం నెలవారీ చెల్లించాల్సిన వాయిదాల వివరాలను తెలియజేసే పోస్టర్లను కలెక్టర్ ఎస్‌.రాంసుందర్ రెడ్డి శుక్రవారం ఆవిష్కరించారు. జిల్లా స్థాయిలో నిర్వహించిన ఈ కార్యక్రమం ద్వారా మహిళలకు తమ ఆర్థిక బాధ్యతలను సులభంగా నిర్వర్తించేందుకు అవగాహన కల్పించడమే లక్ష్యమని ఆయన పేర్కొన్నారు.