News November 18, 2024
బోధన్‌లో గుండెపోటుతో యువకుడి మృతి
బోధన్ మండలం లంగ్డాపూర్ గ్రామానికి చెందని అనిల్ ఆదివారం గుండె పోటుతో మృతి చెందాడు. ఆదివారం ఉదయం అనిల్‌కు ఆకస్మాత్తుగా గుండెపోటు వచ్చింది. వెంటనే కుటుంబ సభ్యులు ఆసుపత్రికి తరలిస్తుండగా మృతి చెందాడు. యువకుడి మృతితో కుటుంబంలో విషాదఛాయలు అలుముకున్నాయి. అందరితో కలివిడిగా ఉండే అనిల్ మృతి చెందడంతో గ్రామస్థులు విచారం వ్యక్తం చేశారు.
Similar News
News November 18, 2024
NZB: ‘నెల రోజులకే ఉద్యోగం నుంచి తొలగించారు’
జాబ్‌లో చేరిన నెలలోనే ఉద్యోగం నుంచి తొలగించిన ఘటన ధర్పల్లిలో జరిగింది. DSCలో SGTగా ఎంపికై దుబ్బాక పాఠశాలలో పనిచేస్తున్న లావణ్యను అధికారులు ఉద్యోగం నుంచి తీసేశారు. ఆమె స్థానంలో భార్గవిని నియమించారు. కాగా, భార్గవి సర్టిఫికెట్ వెరిఫికేషన్‌కు రాలేదని, సెలక్షన్ లిస్టులో పేరు లేకపోయినా అధికారులు అవినీతికి పాల్పడి తన స్థానంలో భార్గవిని నియమించారని లావణ్య ఆరోపించారు. తనకు న్యాయం చేయాలని బాధితురాలు కోరారు.
News November 18, 2024
NZB: గుండెపోటుతో డాక్టర్ మృతి
గుండెపోటుతో సీనియర్ డాక్టర్ భీంసింగ్ సోమవారం ఉదయం మృతి చెందారు. ఆయన గతంలో నిజామాబాద్ ప్రభుత్వ జనరల్ ఆసుపత్రి (GGH) సూపరింటెండెంట్‌గా విధులు నిర్వహించారు. ఆప్తాలమిక్ వైద్యుడిగా నిజామాబాద్ నగర ప్రజలకు సేవలందించి గత మేలో పదవీ విరమణ చేశారు. ఆయన అంత్యక్రియలు నేడు మాక్లూర్ తండాలో నిర్వహిస్తున్నట్లు కుటుంబ సభ్యులు తెలిపారు. ఆయన మృతి పట్ల పలువురు వైద్యులు, ప్రముఖులు సంతాపం వ్యక్తం చేశారు.
News November 18, 2024
కామారెడ్డిలో నేటి నుంచి ఉద్యోగ నియామకాలు
ఈఎంఆర్ఐ గ్రీన్ హెల్త్ (108) సంస్థలో ఉద్యోగ నియామకాలు చేపట్టనున్నట్లు కామారెడ్డి జిల్లా కో- ఆర్డినేటర్ తిరుపతి తెలిపారు. MLT, DMLT, GNM, ANM, BSC (BZC), BSC నర్సింగ్ చదివి, 30 ఏళ్లలోపు వయస్సు ఉన్న వారు అర్హులని పేర్కొన్నారు. ఆసక్తి గల అభ్యర్థులకు కామారెడ్డిలోని పాత MRO కార్యాలయంలో సోమవారం, మంగళవారం ఉదయం 10 నుంచి సాయంత్రం 5 గంటల వరకు ఇంటర్వ్యూలు నిర్వహించనున్నట్లు వెల్లడించారు.