News July 25, 2024
బోధన్ నిజాం షుగర్స్‌ను తిరిగి తెరిపిస్తాం: డిప్యూటీ CM
తెలంగాణకు గర్వకారణమైన బోధన్‌లోని నిజాంషుగర్స్‌ను తిరిగి తెరిపిస్తామని డిప్యూటీ సీఎం భట్టి విక్రమార్క బడ్జెట్ సమావేశాల్లో ప్రకటించారు. కాంగ్రెస్ ప్రభుత్వం అధికారంలోకి రాగానే ఎన్నికల్లో ఇచ్చిన హామీ మేరకు ఫ్యాక్టరీ పునరుద్ధరణ కోసం కమిటీని ఏర్పాటు చేశామన్నారు. గత ప్రభుత్వం షుగర్స్‌ను తెరిపించేందుకు కనీస శ్రద్ధ చూపించలేదని, కానీ తాము త్వరలోనే ఫ్యాక్టరీని తిరిగి ప్రారంభిస్తామని ఆయన స్పష్టం చేశారు.
Similar News
News October 14, 2024
వేల్పూర్: అధైర్య పడొద్దు నేనున్నాను: మాజీ మంత్రి
వేల్పూర్, భీంగల్ మండలంలో కుటుంబ సభ్యులను కోల్పోయిన పలువురు ఆత్మీయులను మాజీ మంత్రి, బాల్కొండ MLA వేముల ప్రశాంత్ రెడ్డి ఇవాళ పరామర్శించారు. మెండోరా గ్రామ మాజి సర్పంచ్ బెల్దారి పోషన్న ఇటీవల అనారోగ్యానికి గురై మరణించడంతో కుటుంబ సభ్యులను పరామర్శించారు. ఇక మోతె గ్రామానికి చెందిన గంగా గౌడ్ మరణించడంతో కుటుంబ సభ్యులను పరామర్శించి ప్రగాఢ సానుభూతి తెలిపారు. అధైర్య పడొద్దు మీకు నేనున్నానంటూ భరోసా కల్పించారు.
News October 14, 2024
భీంగల్: రూ.1,00,000 పలికిన దుర్గామాత లడ్డు
భీంగల్ మండల కేంద్రంలో హనుమాన్ యువజన సంఘం నందిగల్లి భీంగల్ ఆధ్వర్యంలో దుర్గమాత లడ్డు వేలంపాట నిర్వహించారు. కాగా అదే గ్రామానికి చెందిన పిల్లోళ్ల.రాములు అనే వ్యక్తి రూ. 1,00,000/- లడ్డును దక్కించుకున్నారు. ఈ సందర్భంగా ఉత్సవ కమిటీ సభ్యులు లడ్డును పిల్లోల్ల రాములు కుటుంబ సభ్యులకు అందజేశారు. ఈ కార్యక్రమంలో ఉత్సవ కమిటీ సభ్యులు పాల్గొన్నారు.
News October 13, 2024
NZB: ‘ఆ స్ఫూర్తిని భవిష్యత్ తరాలకు అందించడం అభినందనీయం’
తెలంగాణ సంప్రదాయాల స్ఫూర్తిని భవిష్యత్ తరాలకు అందించడం అభినందనీయమని TPCC అధ్యక్షుడు, MLC మహేష్ కుమార్ గౌడ్ అన్నారు. హర్యానా గవర్నర్ బండారు దత్తాత్రేయ కుమార్తె విజయలక్ష్మి ఆధ్వర్యంలో ఆదివారం నిర్వహించిన “అలయ్ బలయ్” కార్యక్రమంలో పాల్గొన్న మహేష్ కుమార్ మాట్లాడుతూ దత్తాత్రేయ 19 ఏళ్లుగా జెండాలు, ఎజెండాలకు అతీతంగా దసరా మరుసటి రోజు నిర్వహిస్తోన్న ఈ కార్యక్రమం స్పూర్తి అని కొనియాడారు.