News January 29, 2025

బ్యాంకులో పకడ్బందీ భద్రత ఏర్పాట్లు చేయాలి:ఎస్పీ 

image

భద్రాద్రి జిల్లా ఎస్పీ కార్యాలయంలో జిల్లాలోని అన్ని బ్యాంకుల అధికారులతో ఎస్పీ రోహిత్ రాజు మంగళవారం సమావేశం అయ్యారు. ఇటీవల వరంగల్, బీదర్ ప్రాంతాల్లోని బ్యాంకుల్లో జరిగిన దొంగతనాలను ఉద్దేశించి జిల్లాలో జరగకుండా బ్యాంక్ అధికారులు పకడ్బందీగా భద్రతా ఏర్పాట్లు చేసుకోవాలని తెలిపారు. బ్యాంక్ లోపల, వెలుపల అన్ని ప్రదేశాలలో సీసీ కెమెరాలను ఏర్పాటు చేసుకోవాలని సూచించారు. సెక్యూరిటీ అలారం ఉండాలన్నారు.

Similar News

News November 30, 2025

నెల్లూరు జిల్లాలోని కాలేజీలకు కూడా సెలవు

image

తుఫాన్ హెచ్చరికల నేపథ్యంలో నెల్లూరు జిల్లాలోని అన్ని జూనియర్ కాలేజీలకు సోమవారం సెలవు ప్రకటించినట్లు RIO వరప్రసాద్ తెలిపారు. జాయింట్ కలెక్టర్ ఆదేశాల మేరకు జిల్లాలోని అన్ని ప్రభుత్వ, ప్రైవేట్ జూనియర్ కళాశాలలు సెలవు ప్రకటించాలని స్పష్టం చేశారు. ఆదేశాలకు విరుద్ధంగా కళాశాల యాజమాన్యాలు వ్యవహరిస్తే చట్టపరమైన చర్యలు తీసుకుంటామని హెచ్చరించారు. అంగన్వాడీలు, స్కూళ్లకు ఇప్పటికే సెలవు ఇచ్చిన విషయం తెలిసిందే.

News November 30, 2025

ప్రకాశం జిల్లాలో ఆ 14 మండలాలపై దిత్వా తుఫాన్ ప్రభావం

image

ప్రకాశం జిల్లాలోని 14 మండలాలు, 168 గ్రామాల్లో దిత్వా తుఫాను ప్రభావం ఉండే అవకాశం ఉందని జిల్లా కలెక్టర్ రాజాబాబు అన్నారు. ఒంగోలులోని కలెక్టర్ కార్యాలయం నుంచి ఆదివారం మండల స్థాయి అధికారులతో కలెక్టర్ టెలికాన్ఫరెన్స్ నిర్వహించారు. తుఫాను హెచ్చరిక నేపథ్యంలో అధికారులందరూ ముందస్తు జాగ్రత్త చర్యలు తీసుకోవాలన్నారు. జిల్లాలోని చెరువుల వద్ద క్షేత్రస్థాయి సిబ్బంది పరిస్థితిని గమనించాలన్నారు.

News November 30, 2025

తెలుసుకుందాం!

image

★ కర్నూలు అసలు పేరు ‘కందనవోలు’
★ కర్నూలులో ప్రవహించే నది: తుంగభద్ర
★ తుంగ నది జన్మస్థలం: కర్ణాటక రాష్ట్రం చిక్కమగళూరు జిల్లాలోని వరాహ పర్వతం
★ కేసీ కెనాల్ ఫుల్ ఫారం: కర్నూలు కడప కాలువ
★ కర్నూలు చివరి నవాబు: గులాం రసూల్ ఖాన్ బహదూర్
★ కర్నూలు జిల్లా విస్తీర్ణం: 17,658 చదరపు కిలోమీటర్లు
★ జిల్లాలో ప్రధాన వంటకాలు: ఉలవచారు, ఉగ్గాని బజ్జీ, రాయలసీమ కారం దోసె, రాగిముద్ద, నాటుకోడి చికెన్