News January 24, 2025
భద్రాద్రి: నిత్యాన్నదానానికి రూ.100,116 విరాళం
భద్రాచలం శ్రీ సీతారామచంద్ర స్వామి వారి దేవస్థానం ఆధ్వర్యంలో నిర్వహించే నిత్యాన్నదానానికి గురువారం భక్తులు విరాళం అందజేశారు. ఖమ్మం జిల్లా గొల్లగూడెం గ్రామానికి చెందిన ఎన్సీహెచ్. కృష్ణమాచార్యులు-రమాదేవి దంపతులు స్వామివారి అన్నదానం నిమిత్తం రూ.100,116 లను ఆలయ ఈవో రమాదేవికి విరాళంగా అందజేశారు. తొలుత స్వామివారిని దర్శించుకుని ప్రత్యేక పూజలు నిర్వహించారు. కార్యక్రమంలో ఆలయ అర్చకులు పాల్గొన్నారు.
Similar News
News November 29, 2025
ఖమ్మం, భదాద్రి జిల్లాలో సర్పంచ్ ఎన్నికలు.. సోషల్ మీడియా సందడి..!
ఉమ్మడి ఖమ్మం జిల్లాలో పంచాయతీ ఎన్నికల వేళ గ్రామాల్లో కొత్త సందడి మొదలైంది. గతంలో రచ్చబండ వద్ద జరిగే చర్చ ఇప్పుడు సోషల్ మీడియాకు మారింది. అభ్యర్థులు తమ హామీలు, అజెండాను కరపత్రాలు, వాల్ పోస్టర్ల రూపంలో కాకుండా, నేరుగా గ్రామ వాట్సాప్ గ్రూపులు, స్టేటస్‌ల ద్వారా ప్రజలకు చేరుస్తున్నారు. గ్రామ సమస్యలు, ఎవరికి మద్దతు ఇవ్వాలనే అంశాలపై గ్రామస్థులు కూడా ఆన్‌లైన్‌లోనే చర్చిస్తున్నారు.
News November 29, 2025
వేరుశనగ పంటలో కలుపు నివారణ ఎలా?
వేరుశనగలో కలుపు నివారణకు విత్తనం విత్తిన 24-48 గంటల్లోపు 12.4 గ్రా. డైక్లోసులామ్ 84% W.D.G మందును ఎకరానికి 200 లీటర్ల నీటిలో కలిపి పిచికారి చేయాలి. దీని వల్ల 30 రోజుల వరకు దాదాపు అన్ని రకాల కలుపు మొక్కలను సమర్థవంతంగా నివారించవచ్చు. విత్తిన 25-35 రోజల సమయంలో గొర్రుతో అంతరకృషి చేసి మొక్క మొదళ్లకు మట్టిని ఎగదోయడం వల్ల కలుపును నిర్మూలించడంతో పాటు మట్టిలోకి వేరుశనగ ఊడలు దిగడానికి అవకాశం ఏర్పడుతుంది.
News November 29, 2025
అంతరకృషి సాద్యం కాకపోతే.. వేరుశనగలో కలుపు నివారణ ఎలా?
వేరుశనగలో అంతరకృషి సాద్యం కాని పక్షంలో, కలుపు 2-4 ఆకుల దశలో ఉండి, ఎక్కువగా గడ్డి జాతి కలుపు మొక్కలుంటే ఎకరాకు 200 లీటర్ల నీటిలో క్విజాలొపాప్ ఇథైల్ 5% ఇ.సి 400ml లేదా ప్రొపాక్విజాఫాప్ 10% ఇ.సి 250ml మందును కలిపి పిచికారీ చేయాలి. పొలంలో గడ్డి జాతి, వెడల్పాకు కలుపు ఎక్కువగా ఉంటే ఎకరానికి 40గ్రా. ఇమజితపైర్ 35% + ఇమజామ్యాక్స్ 35% W.G ద్రావకాన్ని ఎకరానికి 200 లీ. నీటిలో కలిపి పిచికారి చేయాలి.