News October 27, 2024

భీమదేవరపల్లి: విషాదం.. నీటి సంపులో పడి చిన్నారి మృతి

భీమదేవరపల్లి మండలంలో విషాదం చోటు చేసుకుంది. మండలంలోని రత్నగిరికి చెందిన గడిపె సంపత్, స్వర్ణ‌ల చిన్న కూతురు అస్మిక (4) అనే చిన్నారి నీటి సంపులో పడి మృతి చెందింది. తల్లిదండ్రులు కూలీ పని చేసుకుంటూ జీవిస్తుంటారు. ఆదివారం ఉదయం తల్లిదండ్రులు పనికి వెళ్లగా ఇంటివద్ద చిన్నారి అస్మిక ఆడుకుంటూ ప్రమాదవశాత్తు నీటి సంపులో పడింది. స్థానికులు గమనించి బయటకు తీసి ఆస్పత్రికి తరలించే లోపే మృతి చెందింది.