News February 3, 2025
భువనగిరి: జోరందుకున్న వరి నాట్లు
యాదాద్రి జిల్లాలో వరి నాట్లు జోరందుకున్నాయి. యాసంగి సీజన్లో ఇప్పటివరకు 2,71,002 ఎకరాలలో వరి సాగు అయినట్లు వ్యవసాయ శాఖ అధికారులు తెలిపారు. మరో 30 వేల ఎకరాలలో సాగయ్యే అవకాశమున్నట్లు పేర్కొన్నారు. వానకాలంతో పోలిస్తే యాసంగిలో అధికంగా సాగైనట్లు చెబుతున్నారు. భువనగిరి, ఆలేరు డివిజన్ల పరిధిలో మల్లన్న సాగర్, గోదావరి జిల్లాలు వస్తుండడంతో రైతులు వరిసాగుపై మొగ్గు చూపుతున్నారు.
Similar News
News November 29, 2025
సీ సెక్షన్ మహిళల గుండెను వీక్ చేస్తుందా?
సీ సెక్షన్ తర్వాత మహిళల గుండె వీక్ అవుతుందని చాలామంది అపోహ పడుతుంటారు. కానీ అది సరికాదంటున్నారు నిపుణులు. కొన్ని సర్జరీల తర్వాత రక్తం గడ్డకట్టడం, రక్తపోటులో హెచ్చుతగ్గులు, అనస్థీషియా కారణంగా గుండెపై ఒత్తిడి పడుతుంది. హైబీపి, అధికబరువు, డయాబెటిస్ సమస్యలు కారణంగా సి సెక్షన్ తర్వాత గుండె ఆరోగ్యం దెబ్బతింటుందని చెబుతున్నారు. రెగ్యులర్‌గా హెల్దీ ఫుడ్ తీసుకోవడం, వర్కౌట్ చేయడం మంచిదని సూచిస్తున్నారు.
News November 29, 2025
ఏలూరు: మృతదేహంతో ఆసుపత్రి వద్ద ఆందోళన
భీమడోలు మండలానికి చెందిన తంబికి(47) 15 రోజుల క్రితం ఆశ్రమం ఆసుపత్రిలో బైపాస్ సర్జరీ జరిగింది. నాలుగు రోజుల క్రితం అస్వస్థతకు గురికావడంతో చికిత్స అందించారు. శుక్రవారం రాత్రి అతన్ని మెరుగైన వైద్యం కోసం గుంటూరుకు తరలిస్తుండగా మార్గమధ్యంలోనే మృతి చెందాడు. దీంతో తంబి మృతికి ఆసుపత్రి వైద్యుల నిర్లక్ష్యమే కారణమని, న్యాయం చేయాలంటూ కుటుంబ సభ్యులు అర్థరాత్రి ఆసుపత్రి వద్ద మృతదేహంతో ఆందోళన చేపట్టారు.
News November 29, 2025
శ్రీకాకుళం: రేషన్ డిపోల్లో రాగుల సరఫరా
జిల్లాలోని రేషన్ డిపోల్లో డిసెంబర్ నెల నుంచి లబ్ధిదారులకు రాగులు సరఫరా చేయనున్నారు. ఆముదాలవలస, సరుబుజ్జిలి, శ్రీకాకుళం, నరసన్నపేట, కోటబొమ్మాళి, పలాస, కంచిలి, ఇచ్ఛాపురం MLS స్టాక్ పాయింట్లకు ఇప్పటికే రాగులు సరఫరా జరిగినట్లు అధికారులు తెలిపారు. మిగతా సెంటర్లకు కూడా సరఫరా చేయనున్నట్లు పేర్కొన్నారు. జిల్లాలో 1625 రేషన్ డిపోలు ఉండగా 6.35 లక్షల రేషన్ కార్డులు, సుమారు 18.90లక్షల లబ్ధిదారులు ఉన్నారు.