News January 25, 2026

భువనగిరి: దూడను చంపిన పులి

యాదగిరిగుట్ట మండలం రాళ్ల జనగాం గ్రామ పరిసరాల్లో పులి సంచారం స్థానికులను హడలెత్తిస్తోంది. గ్రామానికి చెందిన రైతు చంద్రయ్యకు చెందిన లేగ దూడపై పులి దాడి చేసి చంపడంతో గ్రామస్థులు భయాందోళనకు గురవుతున్నారు. సమాచారం అందుకున్న అటవీశాఖ అధికారులు ఘటనా స్థలానికి చేరుకుని పాదముద్రలను పరిశీలించారు. ప్రజలు ఒంటరిగా పొలాలకు వెళ్లవద్దని, రాత్రి వేళల్లో అప్రమత్తంగా ఉండాలని హెచ్చరించారు.