News January 26, 2026

భువనగిరి: పులి అడుగుజాడలు.. గ్రామస్థులకు వార్నింగ్

భువనగిరి మండలం తిమ్మాపురం గ్రామ శివారులోని కృష్ణస్వామి బావి వద్ద పులి అడుగుజాడలు కనిపించడంతో గ్రామస్థులు తీవ్ర ఆందోళన చెందుతున్నారు. దీనిపై సర్పంచ్ ఎడ్ల వెంకటరెడ్డి స్పందిస్తూ.. ప్రజలు అప్రమత్తంగా ఉండాలని, ఒంటరిగా పొలాలకు వెళ్లరాదని హెచ్చరించారు. రాత్రి సమయాల్లో ఇళ్ల నుంచి బయటకు రావద్దని సూచించారు. పులి కనిపిస్తే వెంటనే అటవీశాఖ అధికారులు, పోలీసులు లేదా సర్పంచ్‌కు సమాచారం అందించాలని ఆయన కోరారు.