News April 8, 2025
భువనగిరి: పెరిగిన గ్యాస్ ధరలు.. రూ.1.25 కోట్ల భారం !
ఎల్పీజీ గ్యాస్ సిలిండర్‌పై రూ.50 పెంచుతూ కేంద్ర ప్రభుత్వం నిన్న ఉత్తర్వులు జారీ చేసింది. సిలిండర్ ప్రస్తుతం రూ.853 ఉండగా పెరిగిన ధరతో రూ.903కు చేరింది. యాదాద్రి జిల్లాలో 2,49,568 గ్యాస్ కనెక్షన్లు ఉండగా.. దీంతో గ్యాస్ వినియోగదారులపై సుమారు రూ. 1.25 కోట్ల భారం పడనుంది. ఇది ఉజ్వల పథకం సిలిండర్లకు మాత్రమే వర్తించనుంది. నిత్యావసరాల ధరలు పెరిగిన వేళ.. గ్యాస్ ధర పెరగడంతో ప్రజల్లో ఆందోళన నెలకొంది.
Similar News
News November 30, 2025
రిలీజ్‌కు ముందే “స్పిరిట్” రికార్డ్!
ప్రభాస్- సందీప్ రెడ్డి వంగా కాంబోలో తెరకెక్కుతున్న యాక్షన్ డ్రామా “స్పిరిట్” మూవీ షూటింగ్ ఇటీవల ప్రారంభమైన విషయం తెలిసిందే. ఇందులో ప్రభాస్ పోలీస్ పాత్రలో కనిపించనున్నారు. తాజాగా ఈ మూవీ డిజిటల్ హక్కులు అన్ని భాషల్లో కలిపి రూ.160 కోట్ల రికార్డు ధరకు అమ్ముడైనట్లు తెలుస్తోంది. ముందే భారీ డీల్ జరిగిందన్న వార్తలు మూవీపై క్రేజ్ మరింత పెంచుతున్నాయి. ఈ సినిమాలో హీరోయిన్‌గా త్రిప్తి దిమ్రి నటిస్తున్నారు.
News November 30, 2025
‘చెమట చుక్కలకు త‌ర్ఫీదు’: సింగరేణి సీఎండీ
కొత్తగూడెం: సింగరేణి ప్రాంత యువ‌త జాతీయ, అంత‌ర్జాతీయ స్థాయిలో పోటీ ప‌డేలా తీర్చిదిద్దుతామని సీఎండీ బ‌ల‌రాం నాయక్ స్పష్టం చేశారు. ఇందుకోసం ‘చెమట చుక్కలకు త‌ర్ఫీదు’ పేరుతో వినూత్న కార్య‌క్ర‌మాన్ని చేప‌ట్టిన‌ట్లు తెలిపారు. దేశ, విదేశాల్లో విద్యా, ఉపాధి అవ‌కాశాల‌పై అవ‌గాహ‌న కల్పించడం, స్ఫూర్తిదాయ‌క‌మైన సందేశాలు అందించి ఉన్న‌త ల‌క్ష్యాల‌ను ఎంచుకునేందుకు ఈ కార్యక్రమం దోహదపడుతుందని ఆయన వివరించారు.
News November 30, 2025
వనపర్తి: ఎన్నికల కోడ్ ముగిసే వరకు ప్రజావాణి రద్దు
గ్రామపంచాయతీ ఎన్నికల నియమావళి అమలులో ఉన్న నేపథ్యంలో ప్రతి సోమవారం నిర్వహించే ప్రజావాణి కార్యక్రమం రద్దు చేసినట్లు జిల్లా కలెక్టర్ ఆదర్శ్ సురభి తెలిపారు. గ్రామపంచాయతీ సర్పంచి, వార్డు మెంబర్ ఎన్నికలు పూర్తయి, కోడ్ ముగిసే వరకు ప్రజావాణి కార్యక్రమం ఉండదని స్పష్టం చేశారు. ఈ విషయాన్ని జిల్లాలోని ప్రజలంతా గమనించి సహకరించాలని విజ్ఞప్తి చేశారు.