News March 16, 2025
భూపాలపల్లి జిల్లాలో కేజీ చికెన్ ధర ఎంతంటే?
భూపాలపల్లి జిల్లాలో బర్డ్ ఫ్లూ భయం కొంతమేరకు ఉంది. కొంతమంది చేపలు, మటన్ వైపు మొగ్గు చూపుతుంటే, మరికొందరు చికెన్ కొనుగోలు చేసి తింటున్నారు. జిల్లాలో చికెన్ ధరల్లో ప్రాంతాన్ని బట్టి మార్పులు ఇలా ఉన్నాయి. కేజీ చికెన్ రూ.210 ఉండగా.. స్కిన్లెస్ రూ.230గా ఉంది. హోల్‌సేల్ రూ.80-90 ఉండగా.. రిటైల్ రూ.130 వరకు పలుకుతోంది. ఈ చికెన్ ధరల్లో జిల్లాలోని పలు ప్రాంతాల్లో మార్పులు సైతం ఉన్నాయని వ్యాపారులు తెలిపారు.
Similar News
News November 29, 2025
పార్వతీపురం: ‘ప్రభుత్వ పథకాల సమగ్ర సమాచారం ఉండాలి’
కేంద్ర, రాష్ట్ర ప్రభుత్వాలు జిల్లాలో అమలుచేస్తున్న వివిధ సంక్షేమ పథకాల పట్ల అధికారులకు పూర్తి అవగాహన ఉండాలని కలెక్టర్ డా.ఎన్.ప్రభాకర రెడ్డి పేర్కొన్నారు. పథకాల పురోగతిపై ఆయా శాఖల అధికారులతో కలెక్టర్ సమీక్షా సమావేశాన్ని శనివారం కలెక్టర్ కార్యాలయ సమావేశ మందిరంలో నిర్వహించారు. పథకాలకు సంబందించిన సమగ్ర సమాచారం అధికారుల వద్ద ఉండాలని తేల్చిచెప్పారు.
News November 29, 2025
బిర్యానీ ₹150.. సమోసా ₹10: స్థానిక ఎన్నికల్లో ధరలు ఖరారు
TG: స్థానిక ఎన్నికల ప్రచారంలో అభ్యర్థులు చేసే ఖర్చుకు సంబంధించి పలు వస్తువుల ధరలను SEC విడుదల చేసింది. సమోసా ₹10, టీ ₹5, కాఫీ ₹10, బిర్యానీ ₹150గా నిర్ణయించింది. వాహనాలు, కండువాలు, ప్లెక్సీలు తదితర వస్తువులకూ ధరలను ప్రకటించింది. దీని ప్రకారం ప్రచారంలో వినియోగించిన వస్తువుల ఖర్చును లెక్కిస్తారు. అభ్యర్థులు తమ ఖర్చు లెక్కల్లో వీటిని చూపించాలి. లేకుంటే వ్యయ పరిశీలకులే ఈ ఖర్చును లెక్కలో వేస్తారు.
News November 29, 2025
జనగామ: ఇదే అదును, రోజుకో పార్టీ.!
జిల్లా వ్యాప్తంగా స్థానిక ఎన్నికల జాతర మొదలైంది. దీంతో ఆయా పార్టీల రాజకీయ నాయకులు కార్యకర్తలను, సీనియర్ నాయకులను, ఓట్ బ్యాంక్ ఉన్నవారిని మభ్యపెట్టే పనిలో పడ్డారు. ఇదే అదునుగా చూసుకొని ఈ పార్టీ నుంచి ఆ పార్టీకి, ఆ పార్టీ నుంచి ఈ పార్టీకి జంప్ అవుతున్నారు. ఈరోజు ఒక పెట్టెలో రేపు పొద్దున మరో పార్టీకి చేరే వాళ్లు సైతం ఉన్నారు. ఇలా రోజుకో పార్టీలు మారుతుండటంతో అంతా అయోమయంగా ఉందంటున్నారు.