News August 13, 2024

భూపాలపల్లి: తండ్రి మరణాన్ని తట్టుకోలేక కొడుకు హఠాన్మరణం

తండ్రి మృతి చెందిన గంటల వ్యవధిలోనే కొడుకు మృతి చెందిన ఘటన భూపాలపల్లి జిల్లాలో జరిగింది.స్థానికులు తెలిపిన వివరాలు.. మహదేవపూర్‌ మండలం పెద్దంపేటకు చెందిన బీసుల పెద్ద లస్మయ్య(62) సోమవారం ఉదయం గుండె పోటుతో మృతి చెందారు. సాయంత్రం ఆయన కొడుకు కృష్ణరాజు(30) తండ్రి మృతిని తట్టుకోలేక గుండెపోటుతో హఠాన్మరణం చెందాడు. ఈ ఘటనతో గ్రామంలో విషాదఛాయలు అలుముకున్నాయి. ఇద్దరి మృతితో ఆ కుటుంబం పెద్ద దిక్కును కోల్పోయింది.