News March 28, 2025
భూపాలపల్లి: నెట్‌వర్క్ లేక యువత ఆగ్రహం
భూపాలపల్లి జిల్లాలో రాజీవ్ యువ వికాసం దరఖాస్తు దారులకు నెట్ వర్క్ సమస్యలు తప్పడం లేదు. జిల్లాలోని పలు తహశీల్దార్ కార్యాలయాల్లో సైట్ పని చేయకపోవడంతో కుల, ఆదాయ ధ్రువీకరణ పత్రాల కోసం ఎదురుచూస్తున్న యువకులు తీవ్ర ఇబ్బందులు ఎదుర్కొన్నారు. ఏప్రిల్ 5 దరఖాస్తు చివరి తేదీ కావడంతో.. తహశీల్దార్ కార్యాలయాల చుట్టు తిరగాల్సి వస్తోందని, వెంటనే ప్రభుత్వం చర్యలు తీసుకోవాలని దరఖాస్తుదారులు కోరుతున్నారు.
Similar News
News November 29, 2025
స్లీపర్ బస్సులపై NHRC కీలక మార్గదర్శకాలు
సేఫ్టీ నార్మ్స్ పాటించని స్లీపర్ బస్సులను పక్కన పెట్టాలని రాష్ట్రాలకు NHRC మార్గదర్శకాలు జారీ చేసింది. ‘బస్సుల డిజైన్లు సరిగ్గా లేకనే ప్రమాదాల్లో ప్రయాణికుల ప్రాణాలు పోతున్నాయి. కంపార్ట్‌మెంట్, డ్రైవర్ క్యాబిన్ వేరుగా ఉండటంతో ఎమర్జెన్సీల్లో కమ్యూనికేట్ చేయడం కష్టమవుతుంది. ఇది మ్యానుఫాక్చరర్స్, అప్రూవింగ్ అథారిటీస్ ప్రాథమిక హక్కుల ఉల్లంఘనే అవుతుంది’ అని ఫిర్యాదుదారు పేర్కొన్నట్లు NHRC తెలిపింది.
News November 29, 2025
ఆదిలాబాద్: జోష్‌లో INC, BRS పార్టీలు..!
ఆదిలాబాద్ జిల్లా వ్యాప్తంగా పంచాయతీ ఎన్నికల నేపథ్యంలో అధికారిక కాంగ్రెస్, ప్రధాన ప్రతిపక్ష బీఆర్ఎస్ నేతలు జోష్‌లో ఉన్నారు. తొలి విడతలో భాగంగా శనివారం(నేడు) చివరి తేదీ కావడంతో తమ సర్పంచ్ ఆశావహుల అభ్యర్థులను బరిలో దింపుతున్నారు. డిసెంబర్ 11న పోలింగ్ ఉండటంతో రేపటి నుంచి ముమ్మరంగా ప్రచారానికి సిద్ధమవుతున్నారు. పంచాయతీ ఎన్నికలపై ఇరు పార్టీలో ఫోకస్ పెడుతున్నారు.
News November 29, 2025
KMR: ఎన్నికల ఫీవర్.. గెలుపే లక్ష్యంగా అప్పులు
కామారెడ్డి జిల్లాలో ఎన్నికల కోలాహలం మొదలైంది. బరిలో దిగుతున్న అభ్యర్థులు గెలుపే లక్ష్యంగా భారీగా ఖర్చులకు సిద్ధమవుతున్నారు. గెలుపు కోసం అభ్యర్థులు ఆస్తులు అమ్ముకోవడానికి, తనఖా పెట్టడానికి కూడా వెనుకాడడం లేదు. తమ బంధువుల ద్వారా అప్పులు తెచ్చి మరీ ప్రచారాన్ని హోరెత్తించడానికి రంగం సిద్ధం చేసుకుంటున్నారు. దీంతో ఎన్నికల సందడితో పాటు, అభ్యర్థులు అప్పుల ఊబిలో కూరుకుపోయే ప్రమాదం కూడా కనిపిస్తోంది.