News April 15, 2025

భోగేశ్వర ఆలయంలో జిల్లా కలెక్టర్ పూజలు

గడివేముల మండలంలోని ప్రసిద్ధ పుణ్యక్షేత్రమైన శ్రీ దుర్గా భోగేశ్వరస్వామి ఆలయంలో నంద్యాల జిల్లా కలెక్టర్ రాజకుమారి సోమవారం పూజలు నిర్వహించారు. దర్శనానికి వచ్చిన కలెక్టర్ రాజకుమారికి ఆలయ ఈఓ రామానుజన్, ఆలయ అర్చకులు శ్యాంసుందర్ శర్మ స్వాగతం పలికారు. ఈ సందర్భంగా ఆమె స్వామివారిని దర్శించుకుని అభిషేకం, అమ్మవారికి కుంకుమార్చన చేపట్టారు. దర్శనం అనంతరం స్వామి, అమ్మవారి ప్రసాదాలు అందించారు.