News August 29, 2024
మంగళగిరి యువతికి గోల్డ్ మెడల్
మంగళగిరికి చెందిన పవర్ లిఫ్టర్ షేక్ సాదియా అల్మస్ మరోసారి మెరిశారు. మాల్టా దేశంలో ఆగస్టు 28 నుంచి జరుగుతున్న జూనియర్ వరల్డ్ మెన్ అండ్ ఉమెన్ ఎక్విప్డ్ పవర్ లిఫ్టింగ్ ఛాంపియన్షిప్లో పాల్గొన్నారు. 57 కేజీల విభాగంలో ఓవరాల్ గోల్డ్ మెడల్ సాధించారు. స్క్వాట్ 190 కేజీలు, బెంచ్ ప్రెస్ 97.5 కేజీలు, డెడ్ లిఫ్ట్ 175 కేజీలు మొత్తంగా 462.5 కేజీల బరువు ఎత్తి గోల్డ్ మెడల్ కొట్టారు.
Similar News
News September 13, 2024
ముఖ్యమంత్రి సహాయనిధికి రూ.4 కోట్ల విరాళం
విజయవాడ వరద బాధితులను ఆదుకునేందుకు భాష్యం విద్యాసంస్థలు తమవంతు సహకారాన్ని అందించాయి. రూ.4 కోట్ల చెక్కును ముఖ్యమంత్రి సహాయ నిధికి శుక్రవారం సచివాలయంలో చందబ్రాబును కలిసి అందించారు. భాష్యం విద్యాసంస్థల ఛైర్మన్ రామకృష్ణ, డైరెక్టర్ హనుమంతరావు, రామకృష్ణ తనయుడు సాకేత్ రామ్ చెక్కు అందజేసిన వారిలో ఉన్నారు.
News September 13, 2024
ముఖ్యమంత్రి సహాయ నిధికి రూ.కోటి విరాళం
రాష్ట్ర సచివాలయంలో వరద బాధితుల సహాయార్థం ముఖ్యమంత్రి సహాయనిధికి మంత్రి నిమ్మల రామానాయుడుతో కలిసి, తులసి సీడ్స్ ప్రైవేట్ లిమిటెడ్ ఛైర్మన్ తులసి రామచంద్ర ప్రభు, ఎండీ తులసి యోగిశ్ చంద్ర కోటి రూపాయల చెక్ ను ముఖ్యమంత్రి చంద్రబాబుకి అందజేశారు. దీంతో పాటు తులసి గ్రూప్ ఉద్యోగుల ఒకరోజు వేతనం రూ.5.43 లక్షలను సంస్థ జనరల్ మేనేజర్ పచ్చా వాసుదేవ్, చంద్రబాబుకు అందజేశారు.
News September 13, 2024
మంగళగిరి: టీడీపీలో చేరిన వైసీపీ నేతలు
వైసీపీ నాయకులు పలువురు టీడీపీ తీర్థం పుచ్చుకున్నారు. ఈ క్రమంలో జగ్గయ్యపేట మున్సిపల్ ఛైర్మన్ రంగాపురం రాఘవేంద్ర, ఆయన తండ్రి రంగాపురం నర్సింహారావు ఉండవల్లిలోని నివాసంలో శుక్రవారం మంత్రి నారా లోకేశ్ సమక్షంలో టీడీపీలో చేరారు. వారితో పాటు 7వ వార్డు కౌన్సిలర్ సీతారావమ్మ దంపతులు, 31వ వార్డు కౌన్సిలర్ గింజుపల్లి వెంకట్రావు, తదితరులు పార్టీలో చేరారు.