News February 14, 2025
మంత్రి గన్మెన్ వెంకటరమణను సస్పెండ్ చేసిన ఎస్పీ
రాష్ట్ర మంత్రి గుమ్మిడి సంధ్యారాణి వద్ద గన్మెన్గా పనిచేస్తున్న జి.వెంకటరమణను పార్వతీపురం మన్యం జిల్లా ఎస్పీ మాధవరెడ్డి సస్పెండ్ చేశారు. వెంకటరమణ ఇటీవల సాలూరు నుంచి విజయనగరం వస్తుండగా బుల్లెట్ మ్యాగ్జైన్తో ఉన్న బ్యాగ్ మిస్ అయ్యింది. దీంతో ఆయన విజయనగరం వన్టౌన్ పోలీస్ స్టేషన్లో ఫిర్యాదు చేశాడు. ఈ ఘటనపై ఎస్పీ తీవ్ర ఆగ్రహం వ్యక్తం చేశారు. సస్పెండ్ చేస్తూ ఉత్తర్వులు జారీ చేశారు.
Similar News
News December 5, 2025
సాదాబైనామా భూముల రిజిస్ట్రేషన్కు మరో అవకాశం
AP: సాదాబైనామా భూముల రిజిస్ట్రేషన్కు ప్రభుత్వం మరో అవకాశం కల్పించింది. 2027 DEC 31 వరకు దరఖాస్తు చేసుకోవచ్చని తెలిపింది. రైతులు తమ మండల పరిధిలోని మీ సేవ, గ్రామ/వార్డు సచివాలయంలో అప్లికేషన్లు సమర్పించాలని సూచించింది. దరఖాస్తులను 90 రోజుల్లో పరిష్కరించాలని అధికారులను ఆదేశించింది. 2024 జూన్ 15 నాటికి లావాదేవీలు జరిగిన భూములపై రిజిస్ట్రేషన్ ఫీజు, స్టాంప్ డ్యూటీని మినహాయిస్తూ ఉత్తర్వులు జారీ చేసింది.
News December 5, 2025
మేడారం: ఈనెల 24న పున: ప్రతిష్ఠ
మేడారం సమ్మక్క-సారలమ్మ ఆలయ ప్రాంగణంలో ఉన్న గోవిందరాజు, పగిడిద్దరాజు గద్దెలపై ఈనెల 24న పున: ప్రతిష్ఠ పూజా కార్యక్రమాలు నిర్వహించనున్నట్లు పూజారులు తెలిపారు. గోవిందరాజు, పగిడిద్ద రాజు గద్దెల పునర్నిర్మాణ పనులు పూర్తి కాకపోవడంతో ఈనెల 24న పున: ప్రతిష్ఠ కార్యక్రమాన్ని నిర్వహించేందుకు పూజారులు తేదీని ఖరారు చేశారు. కాగా, గోవిందరాజు గద్దెను పూజారులు గురువారం కదిలించారు. జాతరకు మీరెప్పుడు వెళ్తున్నారు.
News December 5, 2025
కామారెడ్డి: 3వ విడత రెండవ రోజు నామినేషన్లు ఎన్నో తెలుసా!
బాన్సువాడ డివిజన్ పరిధిలోని బాన్సువాడ, డోంగ్లి, మద్నూర్, జుక్కల్, నస్రుల్లాబాద్, బీర్కూర్, బిచ్కుంద, పెద్ద కొడప్గల్ మండలాల్లో 3వ విడత ఎన్నికల్లో భాగంగా రెండవ రోజు దాఖలైన నామినేషన్లను అధికారులు వెల్లడించారు.168 సర్పంచ్ స్థానాలకు 281 నామినేషన్లు, 1,482 వార్డు స్థానాలకు 992 నామినేషన్లు వచ్చినట్లు అధికారులు తెలిపారు. శుక్రవారం నామినేషన్లకు చివరి రోజు కావడంతో భారీగా నమోదు కావొచ్చు.