News January 29, 2025
మంత్రి లోకేశ్ను కలిసిన ఎమ్మెల్యే బుడ్డా
శ్రీశైలం ఎమ్మెల్యే బుడ్డా రాజశేఖర్ రెడ్డి మంగళగిరిలోని క్యాంప్ కార్యాలయంలో మంత్రి లోకేశ్ను మంగళవారం మర్యాదపూర్వకంగా కలిశారు. అనంతరం శ్రీశైలం నియోజకవర్గంలో పలు అభివృద్ధి పనులు, సమస్యలను మంత్రి దృష్టికి తీసుకెళ్లినట్టు ఎమ్మెల్యే తెలిపారు. కేసీ కెనాల్ ప్రాజెక్టు కమిటీ ఛైర్మన్ బన్నూరు రామలింగారెడ్డి పాల్గొన్నారు.
Similar News
News January 10, 2026
KTDM: 12 ఏళ్ల బాలికపై అత్యాచారం
అశ్వారావుపేట మండలంలోని ఓ గ్రామంలో దారుణం వెలుగుచూసింది. 12 ఏళ్ల మైనర్ బాలికపై అదే గ్రామానికి చెందిన 25 ఏళ్ల యువకుడు అత్యాచారానికి పాల్పడ్డాడు. బాలిక అనారోగ్యానికి గురికావడంతో ఆసుపత్రికి తీసుకెళ్లగా, ఆమె ఐదు నెలల గర్భవతి అని వైద్యులు నిర్ధారించారు. స్థానికుల సమాచారంతో చైల్డ్ డెవలప్మెంట్ అధికారులు, పోలీసులు రంగంలోకి దిగారు. నిందితుడిపై కేసు నమోదు చేసిన దర్యాప్తు ప్రారంభించారు.
News January 10, 2026
HYD: అందమైన అమ్మాయి ఫొటో.. క్లిక్ చేస్తే!
సోషల్ మీడియాలో అందమైన అమ్మాయిల ఫొటోలతో సైబర్ నేరగాళ్లు విసురుతున్న వలల్లో యువత చిక్కుకుంటున్నారు. ఇన్స్టాగ్రామ్, ఫేస్బుక్, టెలిగ్రామ్ వేదికగా అమ్మాయిల పేరుతో ఫేక్ ప్రొఫైల్ సృష్టించి ఫ్రెండ్ రిక్వెస్ట్లు, ఆఫర్స్ అంటూ లింకులు పెట్టి అందినకాడికి దండుకుంటున్నారు. ఇటీవల మేడ్చల్(D) మల్లాపూర్కు చెందిన ఓవ్యక్తి రూ.42,590 పోగొట్టుకున్నాడు. సైబర్ నేరాలపై పోలీసులు అవగాహన కల్పించినా తగ్గటం లేదు.
News January 10, 2026
ప్రభుత్వ అనుమతితో సింగూరు నీటి విడుదల
సింగూరు ప్రాజెక్టులో మరమ్మతుల పనులు జరుగుతున్నాయి. కాగా, ప్రాజెక్టు నీటి మట్టాన్ని 520 మీటర్ల నుంచి 517 మీటర్లకు(8.1TMC) తగ్గిస్తే ఈ సీజనులో కట్ట బలోపేత పనులకు అవకాశం కలుగుతుందని అధికారులు తెలిపారు. దీంతో ప్రాజెక్టు భద్రత దృష్ట్యా ప్రభుత్వంతో ఈనెల 11 లేదా 12 నీటిని విడుదల చేయాలని నిర్ణయించారు. HYDతో పాటు సంగారెడ్డి, మెదక్ జిల్లాల తాగునీటి అవసరాల కోసం నీటిమట్టాన్ని 8.1 TMCలకే పరిమితం చేయనున్నారు.