News January 23, 2025
మణుగూరులో రోడ్డుప్రమాదం.. బీట్ ఆఫీసర్ మృతి
మణుగూరు బీటీపీఎస్ వద్ద బైక్, డీసీఎం ఢీ కొన్నాయి. ఈ ప్రమాదంలో బైక్‌పై వెళ్తున్న వ్యక్తి మృతి చెందారు. అతణ్ని ఏడూళ్ల బయ్యారం బోటిగూడెం బీట్ ఆఫీసర్ సాంబశివరావుగా స్థానికులు గుర్తించారు. మరింత సమాచారం తెలియాల్సి ఉంది.
Similar News
News November 30, 2025
నల్గొండ: సుప్రీంకోర్టు న్యాయమూర్తితో విచారణ జరపాలి: KVPS
బూటకపు ఎన్‌కౌంటర్లపై సుప్రీంకోర్టు న్యాయమూర్తితో విచారణ జరిపించాలని కేవీపీఎస్ జిల్లా ప్రధాన కార్యదర్శి పాలడుగు నాగార్జున డిమాండ్ చేశారు. ఆదివారం నల్గొండ పట్టణంలో ప్రజా నిరసన సభను నిర్వహించారు. ఆయన మాట్లాడుతూ.. ఎన్‌కౌంటర్ల పేరుతో అమాయకుల ప్రాణాలను తీస్తున్నారని ఆరోపించారు. ప్రాణాలు కోల్పోయిన కుటుంబాలను ఆదుకోవాలని కోరారు.
News November 30, 2025
ప.గో.జిల్లాలో 55 బస్సులకు నోటీసులు
పశ్చిమ గోదావరి జిల్లావ్యాప్తంగా పాఠశాల బస్సులపై రవాణా శాఖ అధికారులు శనివారం విస్తృత తనిఖీలు చేపట్టారు. 45 బస్సులను పరిశీలించగా.. నిబంధనలు ఉల్లంఘించిన 55 బస్సులకు నోటీసులు జారీ చేయడంతో పాటు, మూడు బస్సులపై కేసులు నమోదు చేశారు. అలాగే నిబంధనలకు విరుద్ధంగా నడుపుతున్న ఒక బస్సును సీజ్ చేసినట్లు రవాణా శాఖ అధికారి కృష్ణారావు వెల్లడించారు.
News November 30, 2025
నల్గొండ: పంచాయతీ ఎన్నికల్లో కాంగ్రెస్‌కు రెబల్స్ ఫీవర్
నల్గొండ జిల్లాలో తొలిదశ గ్రామ పంచాయతీ ఎన్నికలకు నామినేషన్ల స్వీకరణ పూర్తి కాగా, అధికార కాంగ్రెస్‌‌కి రెబల్ అభ్యర్థుల రూపంలో తొలి దశలోనే పెద్ద తలనొప్పి మొదలైంది. పలు సర్పంచి స్థానాల్లో కాంగ్రెస్ వర్గీయులే పార్టీ అభ్యర్థులకు వ్యతిరేకంగా నామినేషన్లు దాఖలు చేయించడం కలకలం సృష్టించింది. ఒక సర్పంచి స్థానంలో అధికారిక అభ్యర్థితో పాటు, ఇద్దరు రెబల్స్ బరిలోకి దిగడంతో ఆ గ్రామంలో త్రిముఖ పోటీ నెలకొంది.